uLuuka 3:14 - ULufingwi uLupwa

¹⁴ Vhoope avhasikaali vhahamuvhuziilizya vhahati, “Niiswe tuhonzye vhuli?” Ahavhaamula ahati, “Muleshe kunyatula impiiya izya vhantu ku maha na kwi idala ilya kuvhalonjeelela izya ilenga, havhili muyayanaje na malipilo aga mbombo yiinyu.”

Tesitamenti Umupwa 1965

¹⁴ Vahamuvuzilizya vope navasikali vahati: Ilelʼiswe tutuvuli? Uwenʼahavavuzya ahati: Iṿwa vantu kwe ndali ukusampa vusampa, kwe ndali ukumulonjelelʼumuntu izyʼilenga. Simuyanane nago ge malipilo ginyu.

uLuuka 3:14 ပူးပေါင်းရင်းမြစ်များ

Matayi 8:5

Lwe uYeesu ayinjila mu nkaaya iya Kapelanawuumu, umupiti wumo uwa vhasikaali avha Shiluumi ahinza ku kwakwe. Ahamulambiilizya

uLuuka 19:8

Ileelo uZakaayo ahimiilila, ahamuvhuuzya uMwene uYeesu ahati, “We Mwene! Ishi, ivintu vwane kuuti mvigavhanye pahati, vimo kuuti mbape avhapiina. Ileelo umuntu we imufwuye ishintu shonti ku vhwivha, kuuti imugalusizye lune ku viila vwe imufwuye.”

uLuuka 3:10

Pe avhantu vhaala vhahavhanga vhakumuvhuziilizya kuuti, “Ishi pe tuhonzye vhuli?”

uLuuka 3:13

Ahavhaamula ahati, “Mutasonchezyaje umusonko kuluusya impiiya zye zivhisiilwe.”

iMbombo izya Vhatumwa 10:7

Lwe uhavhizya aamala kumuvhuuzya uKolineeliyo, aheepa. Pe uKolineeliyo ahavhiita vhavhili mu vhavhomvi vhaakwe, pooka nu musikaali wooka mu vhatuuli vhaakwe. Woope umusikaali uyo ahamupuutaga uMulungu.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

Filipi 4:11

Te kuuti nkuyanga isho, mwe pe nsovheliilwe vimo. Nalyoli ine mbeleleeye kuyaayana na viila vwe ndi navwo.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

Ishitushizya 12:10

Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.