uLuuka 3:11 - ULufingwi uLupwa

¹¹ UYoohani ahavhaamula ahati, “We ali na menda gavhili aamupe umwenda wooka we atali nawo, woope we ali ni shaakulya aamupe we atali nasho.”

Tesitamenti Umupwa 1965

¹¹ Uwenʼahamula ahavavuzya ahati: Uno wengʼali namashati gavili, wʼamupanje lyoka wʼate nalyo nalimo. Wope nuno wengʼali niṿintu ṿwa kulya, wope ahonzyaje vovulo.

uLuuka 3:11 ပူးပေါင်းရင်းမြစ်များ

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

uLuuka 11:41

Muvhavwaje avhapiina ku mwoyo wonti, pe vwonti kuuti vizelupe kuli imwe.

uLuuka 18:22

UYeesu lwe ayiivwa izyo, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

uLuuka 19:8

Ileelo uZakaayo ahimiilila, ahamuvhuuzya uMwene uYeesu ahati, “We Mwene! Ishi, ivintu vwane kuuti mvigavhanye pahati, vimo kuuti mbape avhapiina. Ileelo umuntu we imufwuye ishintu shonti ku vhwivha, kuuti imugalusizye lune ku viila vwe imufwuye.”

Yohani 13:29

Mwe pe uYuuda we ahasengulaga imfuuku iya mpiiya, vhamo vhahasiivhaga kuuti uYeesu amuvhuuzya uYuuda kuuti asogole akale vwe vikwanzilwa pa shikulukuulu, poosye kuuti aavhape impiiya zimo avhapiina.

iMbombo izya Vhatumwa 10:2

Havhili áamile muntu umugolosu, uweene pooka na vhantu vhonti avha mu nyumba yaakwe vhahamunyilaga uMulungu. Ahamulaavhaga uMulungu amanda gonti nu kuvhaavwa nkaani avhapiina.

iMbombo izya Vhatumwa 10:31

Ahambuuzya ahati, ‘We Kolineeliyo! UMulungu ayiivwa kulaavha kwaho nu kuzyitishila impuutile zyaho zye ukuvhaavwa avhapiina.

iMbombo izya Vhatumwa 10:4

UKolineeliyo ahamutontomela uhavhizya uyo kwi lyoga, ahamuvhuziilizya ahati, “We mwene, kuli shooni?” Uhavhizya ahamuvhuuzya ahati, “UMulungu ayiivwa kulaavha kwaho, havhili azyitiha impuutile zyaho zye ukuvhaavwa avhapiina. Zyonti izyo azimanyile, akuzikumbuha ku mwanya.

VaEfeso 4:28

Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

Yakobu 2:14

Mwe vhamwitu, umuntu angalyaga lilonka vhuli, inga akuti ali nu lwitiho, ileelo atakuvhomba imbombo inyinza? Nalyoli ulwitiho lwakwe lutangamupoha!

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.