uLuuka 3:1 - ULufingwi uLupwa

¹ Umwaha uwa 15 kufuma pe uKayisaali uTibeeliyo átalisile kukonzya uvhumwene uvhwa Shiluumi, uPontiyo uPilaato ahakonzyaga ishigavho isha nsi isha Yudeeya, uHeelodi ahakonzyaga ishigavho isha nsi isha Galilaaya, woope uFiilipo umunine uwa Heelodi ahakonzyaga ishigavho isha nsi isha Ituleya ni sha Tulakooniti, woope uLisaaniya áamile mupiti uwa shigavho isha nsi isha Abileene.

Tesitamenti Umupwa 1965

¹ Ilelo lwʼuTibeli ayinjiye mumwaha wa kuva wʼishumi nagasano amaha gakwe ga vukesali, lwʼuPonti Pilati ali musungansi ya Yudayi, lwʼuHelodi vamupiyʼuvumwene mu-Galilayi, lwʼuFilipu vamupiyʼuvumwene namw-Itulayi namu-Talakoniti, wope nuLusani lwe vamupiyʼuvumwene mw-Abilene,

uLuuka 3:1 ပူးပေါင်းရင်းမြစ်များ

Matayi 14:1

Ahavhaliilizyo iho umwene uHeelodi ahiivwa inongwa izya Yeesu.

Matayi 14:3

UHeelodi áyanzile vhwevhulo, mwe pe ápezile amulemile uYoohani nu kumukunga mu jeela kuzya Heloodiya we áali mushi wa munine waakwe uFiilipo.

Matayi 14:6

Lwe isiku ilya shikulukuulu isha kupaapwa uHeelodi lyafiha, umwana umulindu uwa Heloodiya ahimba ingʼoma pa vhantu vhe vhálanjiliilwe, ahamuhondezya nkaani uHeelodi.

Matayi 22:17

Ishi tuvhuuzye vwe ukulola, vhuli, indajizyo izya Moose zikutwitishila kusonka umusonko kwa Kayisaali?”

Matayi 27:2

Vhahamukunga nu kumutwala kwa mupiti waavho uMuluumi we izina lyakwe vhahatinji uPilaato.

Maliko 6:17

UHeelodi ámunyatuuye uHeloodiya we áali mushi wa munine waakwe uFiilipo. Kuli izyo, uYoohani ahamupililaga kuuti, “Indajizyo izya Moose zitakwitishila kuuti iwe umunyatule umushi wa mukulu waaho.” Pe uHeelodi wuuyo ahasonteelezya avhantu kumulema uYoohani nu kumukunga mu jeela, ahavhomba vhwevhulo kumuhondezya uHeloodiya.

Maliko 6:21

Pe lihaloleha isiku lye lyáhondeeye uHeloodiya kumugoga uYoohani, lyáli lisiku ilya shikulukuulu isha kupaapwa uHeelodi. UHeelodi ahavhalanjila avhatuuli vhaakwe na vhapiti avha vhasikaali na vhasongo avha mu Galilaaya.

uLuuka 13:31

Ahavhaliilizyo hanaaho, aVhafalisaayi vhamo vhahasogola kwa Yeesu, vhahamuvhuuzya vhahati, “Uyeepe ipa, usogole mu nkaaya izinji, mwe pe uHeelodi akwanza kukugoga.”

uLuuka 2:1

Ahavhaliilizyo haala he uYoohani ápafwilwe, uKayisaali uAguusito umwene umupiti uwa vhumwene uvhwa Shiluumi álajiziizye kuuti, avhantu vhonti avha mu nsi zye ahakonzyaga, vhasimbisye amazina gaavho.

uLuuka 23:24

Pe uPilaato ahaamula kuvhomba inza vwe vhahanzaga.

uLuuka 3:19

Pisinda, ahamupilila umwene uHeelodi, mwe pe ámunyatuuye uHeloodiya umushi wa munine waakwe uFiilipo, havhili, mwe pe ávhomvile mbiivhi izinji inyinji.

uLuuka 9:7

Umwene uHeelodi ahiivwa imbombo zyonti zye uYeesu ahavhombaga. Izyo zihamuvhiiha kuvha na maganigani nkaani, mwe pe vhamo vhahayangaga vhahatinji wu Yoohani uMwozyi azyusile.

iMbombo izya Vhatumwa 23:26

“Ukalaata uno nsimvile ne neene ne Kilavhudiyo uLuusiya. Nkukulamuha iwe uwa mushinzi nkaani, mupiti wa shigavho isha nsi Feeliki.

iMbombo izya Vhatumwa 24:27

Lwe amaaha gavhili gatuuha, uPolikiyo uFeesito ahapwanila kukonzya pa Feeliki. Ileelo uFeeliki ahamuleha uPaavhuli mu jeela, mwe pe ahanzaga kuvhahondezya aVhayuuda.

iMbombo izya Vhatumwa 26:30

Pe umwene uAgiliipa pooka nu mupiti uwa shigavho isha nsi uFeesito nu Beleniike na vhanji vhe vhátendiime pooka navho vhahimiilila.

iMbombo izya Vhatumwa 4:27

Nalyoli vwe zili! Umwene uHeelodi nu Pontiyo uPilaato pooka na Vhaisilayeeli na vhantu avha nsi izinji vhavhungiine mu nkaaya ino, kuzya Yeesu umuvhomvi waaho umufinjile. Havhili uyo we wámusevile kuuti avhe wu Chilisiti.