uLuuka 24:6 - ULufingwi uLupwa

⁶ Ataliipo ipa! UMulungu amuzyusiizye! Mukumbushe amazwi ge ávhavhuziizye lwe áali ku Galilaaya pooka niimwe, kuuti,

Tesitamenti Umupwa 1965

⁶ Atalipo numo ndali, azyusile. Mukumbuhaje zila zyʼahavavuzyaga lwe suti ali mu-Galilayi,

uLuuka 24:6 ပူးပေါင်းရင်းမြစ်များ

Matayi 12:40

Nkuyanga vhwevhulo, mwe pe inza vwe uYoona átendiime insiku zitatu mu lwanda ulwa nswi impiti uvhusiku nu musanya, niine ne Mwana wa Aadamu kwe ntendame mu mbiipa insiku zitatu uvhusiku nu musanya.

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 27:63

Pe vhahamuvhuuzya vhahati, “We mwene, tukukumbuha kuuti lwe we akuhopenkanya ula mupuuma, áyanzile átili, ‘Lwe zyatuuha insiku zitatu, ndizyuha.’

Matayi 28:6

Ataliipo ipa! UMulungu amuzyusiizye, inza vwe ávhavhuziizye! Yeenyi pe vhaamukasiizye.

Maliko 16:6

Ileelo umujaaha ula ahati, “Mutahasamalaje. Imanyile kuuti mukumulondola uYeesu uwa ku Naazaleeti we aahomeliilwe. Ataliipo ipa! UMulungu amuzyusiizye! Yeenyi pe vhaamukasiizye.

Maliko 8:31

UYeesu ahataliha kuvhasambiilizya avhasundikwa vhaakwe kuuti, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

uLuuka 24:34

vhahavhavhuuzya vhavhili ivho vhahati, “Nalyoli uMwene wiitu uYeesu azyusile! Amulolesheeye uSiimoni!”

uLuuka 24:5

Avhantanda ivho, ilyoga lihavhalema. Vhahakupama pansi. Pe avhanaavuli vhaala vhahavhavhuuzya vhahati, “Shooni she mukumulondola we mupuuma ku vhafwe?

uLuuka 9:22

UYeesu ahavhavhuuzya havhili ahati, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

uLuuka 9:44

“Tejeelezyi ahinza zye nkwanza kuvhavhuuzya: Ne Mwana wa Aadamu kwe vhambiishe mu nyoovhe izya vhalugu.”

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

2 VaTesaloniki 2:5

Imanyile mukukumbuha kuuti, nkavhavhuzyaga zyonti izyo lwe nkavhanga pooka niimwe!