uLuuka 24:44 - ULufingwi uLupwa

⁴⁴ Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Tesitamenti Umupwa 1965

⁴⁴ Pʼahavavuzya ahati: Zinizi zye zila zye navavuzizye lwe lwali swenti nane, zye natili: Pakuti zyinze zisililishile zyonti zye zikunjangʼine, zye zisimṿilwe namunkomelezyo zya Mose Namuvakuvwi namwa kalata wa nyimbo.

uLuuka 24:44 ပူးပေါင်းရင်းမြစ်များ

Matayi 1:22

Zyonti izyo zyávhombesile vhwevhulo, inga izwi liila lye uMWENE uMulungu áyanzile kwi idala ilya mukuvhwi uYisaayi lilunjishe. Átili,

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 26:54

Vhuli, inga navhomba vhwevhulo, pe zingalunjiha vhuli zye zisimviilwe mu Vhusimbe uVhufinjile kuuti isho vwe zikwanzilwa kuvha?”

Matayi 26:56

Ileelo izi zyavhombeha, inga zye avhakuvhwi vhásimvile mu Vhusimbe uVhufinjile zilunjishe.” Pe avhasundikwa vhaakwe vhonti, vhahamuleha weeka nu kushimbila.

Maliko 9:31

mwe pe ahavhasambilizyaga avhasundikwa vhaakwe. Ahatinji, “Ne Mwana wa Aadamu kwe vhambiishe mu nyoovhe izya vhalugu nu kungoga, ileelo isiku ilya vhutatu uMulungu alinzyusya.”

uLuuka 21:22

Nkuvhavhuuzya isho, mwe pe insiku izyo ziliivha zya mayimba, inga amazwi gonti ge gasimviilwe mu Vhusimbe uVhufinjile galunjishe.

uLuuka 22:37

Nkuvhavhuuzya isho, mwe pe yisimviilwe mu Vhusimbe uVhufinjile kuuti, ‘Ávhaziliilwe pooka na vhatalamalandu.’ Amazwi igo gásimviilwe ku zyane. Ishi nkuvhavhuuzya kuuti, agenego gakwanzilwa galunjishe kuli ine, havhili gapalamiiye kuvhombeha.”

uLuuka 24:46

ahavhavhuuzya ahati, “Yisimviilwe mu Vhusimbe uVhufinjile kuuti, uChilisiti aliyimvilwa nu kufwa, ileelo isiku ilya vhutatu, alizyuha.

uLuuka 9:22

UYeesu ahavhavhuuzya havhili ahati, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

uLuuka 9:44

“Tejeelezyi ahinza zye nkwanza kuvhavhuuzya: Ne Mwana wa Aadamu kwe vhambiishe mu nyoovhe izya vhalugu.”

Yohani 3:14

“Yeenya, aVhaisilayeeli lwe vhali mu luugwa, uMoose ágomvile ishiholanyo isha njoha iya shaaba nu kushizuvwa mwi ikwi. Niine ne Mwana wa Aadamu nkwanzilwa vhanzuvwe pa shihovhenkanyo,

Yohani 5:39

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

Yohani 5:46

Inga nalyoli mwámwitisile uMoose, pe nkandi munitisile niine, mwe pe uMoose we ásimvile inongwa zyane.

iMbombo izya Vhatumwa 13:33

avhomvile kuli iswe swe vhazukulu vhaavho. Avhomvile zyenezyo kwi idala ilya kumusaavhula uYeesu, inza vwe yisimviilwe mu Zabuuli iya vhuvhili kuuti, ‘Iwe we Mwana waane, ileelo ili navha ne Taata waaho.’

iMbombo izya Vhatumwa 13:40

Muvhe minso, zitahinze zivhaaje zye zisimviilwe mwi ikalaata ilya vhakuvhwi kuuti,

iMbombo izya Vhatumwa 2:27

mwe pe te uhandeshe ku vhuzimu, poosye kwitishila kuuti umuvhili waane vhufishile kuvhola, ine ne Mufinjile waaho.

iMbombo izya Vhatumwa 3:18

Ileelo uMulungu kuli izyo zye zyávhombesile, ágalunjisiizye amazwi gaala ge áyanzile kutuushila mu vhakuvhwi vhaakwe vhonti, kuuti uChilisiti waakwe aliyimvilwa.

iMbombo izya Vhatumwa 7:37

“UMoose uyo we ávhavhuziizye aVhaisilayeeli kuuti, ‘Muli imwe, uMulungu alivhasevhela umukuvhwi we ali inza ine.’

VaHebuli 10:1

Indajizyo izya Moose shiholanyo isha nyinza zye zikwinza. Ye nongwa zyope impuutile zye avhantu vhakufumwa amaaha gonti kulandatana ni ndajizyo izyo, zitangavhavhiiha kuvha vhalunjisu naalumo avhantu vhe vhakumupuuta uMulungu.

VaHebuli 3:5

UMoose áamile mutungamu ku vhantu vhonti avha mu nyumba iya Mulungu. Imbombo yaakwe ku vhantu ivho yáamile ya kuhomeshezya ziila zye uMulungu ákasiime kuyanga pilongolela.

VaHebuli 7:1

UMelikizeedeki uyo áamile wu mwene uwa mu nkaaya yimo ye vhahatinji iSaleemu. Havhili áamile mupuuti uwa Mulungu uMupiti uwa ku Mwanya. UMelikizeedeki áhomiine nu Aabulahamu, lwe uAabulahamu akuvhwela kufuma ku vhulugu kwe ávhapoosite avhamwene vhane. Pe uMelikizeedeki ahamuloota uAabulahamu.

VaHebuli 9:8

Kulandatana ni mbaatiho izyo, uMupepo uMufinjile akutulolesya apazelu kuuti Iheema ilyo ilya hali lwe likuvhomba imbombo, idala ilya kwinjila aPafinjile pa Pafinjile litíguliilwe ku vhantu vhonti.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”