uLuuka 24:30 - ULufingwi uLupwa

³⁰ Lwe vhatendama pooka kulya ishaakulya, uYeesu ahanyatula ikaati, ahamusalifwa uMulungu, ahamensula, ahaavhapa.

Tesitamenti Umupwa 1965

³⁰ Ilelo lwʼatendime navo ukulya, pʼahasendʼumukati, ahaputa, ahawumensulanya, ahavapa.

uLuuka 24:30 ပူးပေါင်းရင်းမြစ်များ

Matayi 14:19

Pe ahavhalajizya avhantu ivho kuuti vhatendame pa masole. Ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu ivho.

Matayi 15:36

Ahanyatula amakaati igo 7 nu tuswi utwo, ahamusalifwa uMulungu, ahamensulanya, ahaavhapa avhasundikwa vhaakwe, vhoope vhahavhagavhila avhantu.

Matayi 26:26

Lwe vhakulya, uYeesu ahanyatula ikaati, ahaliloota, ahalimensula, ahaavhapa avhasundikwa vhaakwe, ahavhavhuuzya ahati, “Nyatuuli mulye, uno we muvhili waane.”

Maliko 14:22

Lwe vhakulya, uYeesu ahanyatula ikaati, ahaliloota, ahalimensula, ahaavhapa, ahati, “Nyatuuli, uno we muvhili waane.”

Maliko 6:41

UYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa, inga vhavhagavhile avhantu ivho. Zyope inswi zivhili izyo ahavhagavhila vhonti.

Maliko 8:6

Pe uYeesu ahavhalajizya avhantu kuuti vhatendame pansi. Ahanyatula amakaati igo 7, ahamusalifwa uMulungu, ahamensulanya, ahaavhapa avhasundikwa vhaakwe, vhoope vhahavhagavhila avhantu.

uLuuka 22:19

Pe ahanyatula ikaati ahamusalifwa uMulungu, ahalimensula, ahayanga ahati, “Uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

uLuuka 24:29

Pe avheene vhahamulambiilizya nkaani vhahati, “Tudiilaje! Ishi izuvha lyaswa, ishiisi shapalamila.” Pe uYeesu ahinjila mu nyumba, ahatendama navho.

uLuuka 24:35

Pe vhoope vhahavhapanjila zyonti zye zyávhafumiiye mwi idala, na vwe uYeesu ámanyisile ku kwavho lwe akumensula ikaati nu kuuvhapa.

uLuuka 9:16

Pe uYeesu ahanyatula amakaati gasaano igo ni nswi zivhili izyo, aheenya ku mwanya, ahamusalifwa uMulungu. Ahamensulanya amakaati igo, ahaavhapa avhasundikwa vhaakwe, inga vhavhagavhile avhantu ivho.

Yohani 6:11

Pe uYeesu ahanyatula amakaati igo, ahamusalifwa uMulungu. Ahamensulanya, ahaavhapa avhasundikwa vhaakwe, vhoope vhahavhagavhila avhantu vhonti vhe vháliipo paala. Ahavhomba sheshiila na ku tuswi tuula tuvhili. Avhantu vhonti vhahapeelwa inza vwe vhahanzaga.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

iMbombo izya Vhatumwa 27:35

Lwe uPaavhuli aamala kuyanga izyo, ahanyatula ikaati, ahamusalifwa uMulungu pilongolela ilya vhantu vhonti vhaala, ahamensula, ahataliha kulya.