uLuuka 23:5 - ULufingwi uLupwa

⁵ Avhantu ivho, vhahahomeelezya vhahati, “Insambiilizyo zyakwe zikuvhavhiiha avhantu kuvha vhasambusu! Akumusiizye insambiilizyo zyakwe mu nsi ino yonti iya Vhayuuda, kufuma mu shigavho isha nsi isha Galilaaya kufishila uku.”

Tesitamenti Umupwa 1965

⁵ Avene pe vahapitilizya nkani vahati: Akusonganyʼavantu lwʼakuyangʼinongwa zyakwe mwonti mu-Yudayi. Shʼayanzite mu-Galilayi, ayinzilʼukupela munumu.

uLuuka 23:5 ပူးပေါင်းရင်းမြစ်များ

Matayi 11:1

Lwe uYeesu aamala kuvhalajizya avhasundikwa vhaakwe 12, aheepa paala. Ahasogola kukumusya nu kuvhasambiilizya avhantu izwi ilya Mulungu mu nkaaya izya mu Galilaaya.

Matayi 2:1

UYeesu ápafwilwe mu nkaaya iya Betelehemu, mu shigavho isha nsi isha Yudeeya, ahavhaliilizyo he umwene uHeelodi ahakonzyaga. Lwe apaapwa, mu nkaaya iya Yelusaleemu kuhafumila avhamanyinsanyi vhamo avha nzota vhe vháfumile kuvhutukulo.

Matayi 27:24

Lwe uPilaato aalola kuuti atangagalulanya insiivho izya vhantu ivho nu kuuti vhatalisile ivho, ahanyatula aminzi nu kugeeza mu nyoovhe zyakwe pilongolela lyavho kulolesya kuuti atali nu vhunanzi naavhumo. Pe ahavhavhuuzya ahati, “Ine ntali nu vhunanzi naavhumo ku vhufwe uvhwa muntu uno umugolosu. Izi zili mu nyoovhe zyinyu mweneemwe!”

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 1:14

Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

uLuuka 11:53

Lwe uYeesu aamala kuyanga amazwi igo, aheepa pa nyumba iya Mufalisaayi ula. Kwandila ipo aVhafalisaayi na vhasambiilizi avha ndajizyo vhahavha vhalugu nkaani kwa Yeesu. Pe vhahanda kumuvhuziilizya inyinji,

uLuuka 23:23

Ileelo avhantu vhaala vhahonjezya kuzuma ahalanga nkaani, vhahanzaga kuuti uYeesu ahomeelwe pa shihovhenkanyo. Pisinda, ahalanga haavho hahavhavhiiha kuuti vhitishilwe.

uLuuka 23:6

UPilaato lwe ayiivwa izyo, ahavhuziilizya inga uYeesu muntu wa ku Galilaaya.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 19:15

Avheene vhahazuma ahalanga vhahati, “Mugoje! Mugoje! Muhomeele pa shihovhenkanyo!” UPilaato ahavhavhuziilizya ahati, “Vhuli, imuhomele pa shihovhenkanyo umwene wiinyu?” Avhapiti avha vhapuuti vhahamwamula vhahati, “Iswe tutali nu mwene uwunji, nkandi we Kayisaali!”

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 7:41

Vhamo vhahati, “Umuntu uno wu Chilisiti.” Ileelo avhamwavho vhahati, “Ndaali, uChilisiti atangaafuma mu shigavho isha nsi isha Galilaaya.

Yohani 7:52

Avheene vhahamwamula uNikodeemo vhahati, “Vhuli, niiwe ufumile mu Galilaaya? Sogoola uvhaazye havhili ahinza uVhusimbe uVhufinjile, pe niiwe kuuti umanye kuuti ataliipo umukuvhwi we angaafuma mu Galilaaya.”

iMbombo izya Vhatumwa 10:37

Mumanyile zye zivhombesile mu nsi yonti iya Vhayuuda, kwandila ku Galilaaya, kufuma lwe ahavhaliilizyo hatuuha he uYoohani ahavhalumbililaga avhantu kuuti vhoozelwe.

iMbombo izya Vhatumwa 23:10

Amadali lwe gonjela nkaani, umupiti wa vhasikaali ahoogopa kuuti vhangamunyonkolanya uPaavhuli. Pe ahavhavhuuzya avhasikaali vhaakwe kuuti vhinjile pahati pa Vhayuuda, inga vhamutuule uPaavhuli ku maha, vhamutwale mwi ilinga ilya vhasikaali.

iMbombo izya Vhatumwa 5:33

Avhapiti vhaala lwe vhiivwa izyo, zihaavhasya amooyo gaavho, vhahanzaga kuvhagoga.

iMbombo izya Vhatumwa 7:54

Avhapiti avha Vhayuuda vhaala lwe vhiivwa amazwi aga Siteefani, vhahaviitwa nkaani, nu kuyiluma-luma ku mulaha.

iMbombo izya Vhatumwa 7:57

Pe avhapiti avha Vhayuuda vhaala vhahahaana kutejeelezya, vhahadinda amakutwi gaavho, uku vhakuzuma ahalanga, vhahamudomoshela pooka uSiteefani,