uLuuka 23:34 - ULufingwi uLupwa

³⁴ UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

Tesitamenti Umupwa 1965

³⁴ PʼuwenʼuYesu ahati: Uswilʼizyavo we Tata, she vatamanyile zye vakuvomba. Pe vahilihʼishili ukugavanyʼamenda gakwe.

uLuuka 23:34 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:26

Nalyoli Taata, isho vwe usungwilwe.

Matayi 5:44

Ileelo ine nkuvhavhuuzya kuuti, muvhakundaje avhalugu vhiinyu. Havhili, muvhalavhilaje uvhuloote kwa Mulungu vhonti vhe vhakuvhayimvwa.

Maliko 15:24

Vhahamuhomeela, vhahagahomela ulutambu amenda gaakwe, inga vhamanye kuuti wu naanu anyatule mwenda vhuli.

uLuuka 22:42

“We Taata! Inga ukasiime, nkulaavha uneefwezye amayimba iga. Ileelo te kuuti zivhombeshe zye ine nkasiime, nkandi zivhombeshe zye weneewe ukasiime!”

Yohani 17:9

Nkuvhalaavhila ivho, mwe pe vhantu vhaaho. Ntakuvhalaavhila avhantu vhonti, nkandi vhevhaala vhe umpiiye.

Yohani 19:11

UYeesu ahamwamula uPilaato ahati, “Utaamile uvhanje na maha naagamo kuli ine, inga uMulungu atakupanje. Pe ishi, umuntu we ambiisile mu nyoovhe zyaho, we ali nu vhutalamalandu uvhupiti kuluusya uvhwaho.”

iMbombo izya Vhatumwa 16:28

Ileelo uPaavhuli ahamuvhilishila kwi izwi ipiti, ahati, “Utahayigoje! Swenti tuliipo umu.”

iMbombo izya Vhatumwa 3:17

“Ishi vhamwitu, imanyile kuuti imwe na vhapiti vhiinyu mwávhomvile izyo, mwe pe mutámanyile.

iMbombo izya Vhatumwa 7:60

Pe ahasugamila pansi, ahahoola kwi izwi ahati, “We Mwene, utahavhalonje ku vhutalamalandu uvhu vhwe vhavhomba.” Lwe ayanga izyo, ahafwa. Woope uSaavhuli ahalola hinza kumugoga.

VaLoma 12:14

Muvhalavhilaje uvhuloote kwa Mulungu avhantu vhe vhakuvhayimvwa, mutavhalavhilaje kuuti vhatipwaje.

1 VaKolinti 2:8

Havhili ataliipo inga wooka mu vhapiti avha mu nsi umu we avhumanyile uvhushindamu uvhwa njeele uvhwo, mwe pe inga vhavhumanyaje, nkandi vhatámuhomeleeye pa shihovhenkanyo uMwene uwa Vhushindamu.

1 VaKolinti 4:12

Tukukanyila kuvhomba imbombo ni nyoovhe zyitu sweneeswe. Inga avhantu vhakututipa, tukuvhaloota, inga vhakutuyimvwa, tukujimbiilila,

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.