uLuuka 23:2 - ULufingwi uLupwa

² Vhahanda kumulonjeelela, vhahati, “Umuntu uno, twaamuvhwenyi akusambiilizya insambiilizyo zye zikuvhavhiiha avhantu kusambuha mu nsi yiitu. Akuvhahaana avhantu kufumwa umusonko kwa Kayisaali, havhili akuyanga akuti uweene wu Chilisiti, uMwene.”

Tesitamenti Umupwa 1965

² Kwe vahamulonjelela vahati: Umuntʼuno twazile akusyetulʼavantu uluhʼulu lwonti, akuvahana akuti mutasonkolʼumusonko kwa Kesali, akuyitaha ukuti wʼuChilisiti, wʼumwene.

uLuuka 23:2 ပူးပေါင်းရင်းမြစ်များ

Matayi 17:27

Ileelo inga tutahavhaviisye avhantu ivha, sogoola usikule mwa sumbi. Inswi iya kwanda ye waalema, uyibangatule ilomu. Umwo kwe uyaaje impiiya. Uyinyatule impiiya iyo, usogole usonche umusonko uwaane nu waaho.”

Matayi 22:21

Vhahamwamula vhahati, “Vwa Kayisaali.” Pe uYeesu ahavhavhuuzya ahati, “Ishi ivwa Kayisaali mumupanje uKayisaali, vwope ivwa Mulungu mumupanje uMulungu.”

Matayi 27:11

Pe uYeesu ahimiilila pilongolela ilya mupiti uMuluumi. Umupiti uyo ahamuvhuziilizya ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

Maliko 12:17

Pe uYeesu ahavhavhuuzya ahati, “Ishi, ivwa Kayisaali mumupanje uKayisaali, vwope ivwa Mulungu mumupanje uMulungu.” Avhantu ivho vhahasukumila nkaani vwe uYeesu áyamuuye.

Maliko 15:2

UPilaato ahamuvhuziilizya uYeesu ahati, “Iwe we Mwene uwa Vhayuuda?” UYeesu ahati, “Iwe we wayanga.”

uLuuka 23:14

Ahavhavhuuzya ahati, “Mumuleesite umuntu uno, mukuti akusambiilizya avhantu kuuti vhavhe vhasambusu. Ishi ku zye mukumulonjeelela, namuvhuziilizya pilongolela lyinyu, ileelo ntaalola umulandu naawumo ku kwakwe.

uLuuka 23:5

Avhantu ivho, vhahahomeelezya vhahati, “Insambiilizyo zyakwe zikuvhavhiiha avhantu kuvha vhasambusu! Akumusiizye insambiilizyo zyakwe mu nsi ino yonti iya Vhayuuda, kufuma mu shigavho isha nsi isha Galilaaya kufishila uku.”

Yohani 18:29

Pe umulongozi uwa Vhaluumi uyo uwa shigavho isha nsi isha Yudeeya, we izina lyakwe vhahatinji uPilaato ahafuma panzi, nu kusogola kwe vháali, ahavhavhuziilizya ahati, “Vhuli, umuntu uno ananzile ishooni she mukumulonjeelela?”

Yohani 18:30

Avheene vhahamwamula vhahati, “Inga umuntu uno atananzile naashimo, nkandi tutinzile nawo kuli iwe.”

Yohani 19:12

Lwe uPilaato ayiivwa izyo, ahanda kulondola idala ilya kumusatula uYeesu, ileelo aVhayuuda vhahazuma ahalanga vhahati, “Inga wamusatula umuntu uno, pe te we mumanyani wa Kayisaali. Umuntu wonti we akuyivhiiha kuuti wu mwene, akumusambuha uKayisaali.”

iMbombo izya Vhatumwa 24:13

Izi zye vhakundonjeelela, vhatangahomeshezya kuli iwe kuuti zya nalyoli.

iMbombo izya Vhatumwa 24:5

“Umuntu uno tuvhwenyi kuuti mutamwe nkaani. Akuleeta uvhusambusu mu Vhayuuda avha nsi zyonti. Uweene mupiti uwa shipuuto isha Vhanaazaleeti she te sha muumwo.

VaLoma 13:7

Pe ishi, muvhavhombelaje avhalongozi vhonti zye zikwanzilwa kuvhavhombela. Inga mukwanzilwa kusonka umusonko uwa mavhiila mu mavhiila, musonkaje, inga wumo akwanzilwa kumunyila, mumunyilaje, havhili inga wumo akwanzilwa kumushindiha, mumushindihaje.