uLuuka 22:70 - ULufingwi uLupwa

⁷⁰ Ipo pe vhonti vhahati, “Kwe kuuti iwe we Mwana wa Mulungu?” UYeesu ahavhaamula ahati, “Imwe mwe mukuti ine ne neene!”

Tesitamenti Umupwa 1965

⁷⁰ Pe vonti vahati: Ingavanga lelo we Mwana wa Mulungu wenewe? Pʼuwenʼahati: Inza she lilyo mukuyanga, nkwe nene.

uLuuka 22:70 ပူးပေါင်းရင်းမြစ်များ

Matayi 26:25

Pe uYuuda we wa kumwaniila uYeesu, woope ahamuvhuziilizya ahati, “We Musambiilizi, vhuli, neene?” UYeesu ahamwamula ahati, “Iwe wayanga.”

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 27:11

Pe uYeesu ahimiilila pilongolela ilya mupiti uMuluumi. Umupiti uyo ahamuvhuziilizya ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

Matayi 27:43

Uweene akumusuuvhila uMulungu, pe uMulungu amuposhe shiniishi inga amukunzite, mwe pe aayanzile aatili, ‘Ine ne Mwana wa Mulungu.’”

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

Maliko 14:62

UYeesu ahati, “Ine ne neene. Niimwe kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani, havhili kwe mundole nkwinza mu mavhingo.”

Maliko 15:2

UPilaato ahamuvhuziilizya uYeesu ahati, “Iwe we Mwene uwa Vhayuuda?” UYeesu ahati, “Iwe we wayanga.”

uLuuka 22:71

Pe avhapiti ivho vhahati, “Tukwanza avhahoome avhanji vhaashi? Iswe sweneeswe twivwa izwi ili kufuma mwe mwi ilomu lyakwe wuuyo!”

uLuuka 23:3

UPilaato ahamuvhuziilizya uYeesu ahati, “Vhuli, iwe we Mwene uwa Vhayuuda?” UYeesu ahamwamula ahati, “Iwe we wayanga.”

uLuuka 4:41

Havhili, ahazyefwaga impepo inkandamanu inyinji, zyope zihazumaga ahalanga zihatinji, “Iwe we Mwana wa Mulungu!” Ileelo ahazihaanaga kuuti zitamutahaje, mwe pe zyámumanyile kuuti wu Chilisiti.

Yohani 1:34

Pe uYoohani ahati, “Niine nazilola, havhili nkuhomeshezya kuuti uno Mwana wa Mulungu.”

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 10:30

Ine nu Taata waane tuli pooka.”

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 19:7

AVhayuuda vhahamwamula uPilaato vhahati, “Iswe tuli nu lulajizyo. Kulandatana nu lulajizyo ulwo, yikwanzilwa afwe, mwe pe akuyivhiiha kuuti Mwana wa Mulungu.”