uLuuka 21:8 - ULufingwi uLupwa

⁸ Ahavhavhuuzya ahati, “Muvhanje minso, inga vhatahinze vhavhahopenkanye! Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Havhili, vhaliiti, ‘Ahavhaliilizyo hapalamiiye!’ Avhantu ivho, mutahasheele muvhalandate!

Tesitamenti Umupwa 1965

⁸ Uwenʼahati: Mwandaje, mwenye numʼatavahopaje. She valiyinzʼavinji, valijendela mwizina lyane, valitinji: Nkwe nene. Havili valitinji: Umwaha apalamiye. Ve mutahavalandate.

uLuuka 21:8 ပူးပေါင်းရင်းမြစ်များ

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

uLuuka 17:23

Avhantu vhalivhavhuzyaga vhalitinji, ‘Yeenyi ali paala!’ Poosye kuuti, ‘Uno ipa!’ Ileelo mutahavhiitishe poosye kuvhalandata.

uLuuka 21:7

Avhantu ivho vhahamuvhuziilizya vhahati, “Musambiilizi, izyo zilifumila lii? Havhili shilolesyo vhuli she shilitulolesya kuuti zyapalamila kufumila?”

uLuuka 21:9

Imwe lwe mwivwa inkoolo izya vhulugu, nu kusambuha ukwa vhantu, mutahogopaje. Poosye zivhe vhuli, izyo zikwanzilwa kufumila suuti, ileelo ahavhaliilizyo aheene aha kumpeleela haliivha hashiili.”

Yohani 5:43

Ine ninzile ku maha aga Taata waane, ileelo mukuhaana kumposheela. Ileelo umuntu uwunji inga ayinza ku maha gaakwe wuuyo, mulimuposheela.

Yohani 8:24

Ye nongwa navhavhuuzya kuuti, kwe mufwe mu vhutalamalandu vhwinyu. Ishi inga mutakwitiha kuuti ine ne neene, kwe mufwe mu vhutalamalandu vhwinyu.”

Yohani 8:28

Pe uYeesu ahavhavhuuzya ahati, “Lwe mwafishila kunzuvwa pa shihovhenkanyo ne Mwana wa Aadamu, pe muliimanya kuuti ine ne uMulungu ansonteleziizye. Havhili muliimanya kuuti zyonti zye nkuvhomba, ntakuvhomba ku maha gaane, ileelo nkuziyanga zyeziila zye uTaata ansambiliziizye.

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

2 VaTesaloniki 2:3

Mutahiitishe umuntu wonti kuvhahopenkanya ku lyonti, mwe pe isiku ilyo te lihaafishe suuti, she zishiili insiku ziila lwe avhantu avhinji vhalisambuha nkaani kwa Mulungu, havhili lwe uMusambusu ula aloleha. Uyo we ahavhaliilizyo aha kumpeleela uMwene uYeesu alimulovwa nziila.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

Ishitushizya 1:3

Alosiitwe we akuvhavhaazizya imwe amazwi aga vhukuvhwi vhwe vhusimviilwe umu, havhili mulosiitwe na mwe mukugatejeelezya nu kugalema, mwe pe ahavhaliilizyo he kuuti galunjishe hapalamiiye.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.