uLuuka 21:12 - ULufingwi uLupwa

¹² “Izyo zyonti lwe zishiili kufumila, avhantu vhalivhalema imwe nu kuvhayimvwa. Vhalivhatwalaga kulongwa mu masinagoogi, nu kuvhakunga mu jeela. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane.

Tesitamenti Umupwa 1965

¹² Lwe zishili suti zyonti zinizi, pe valivalemʼimwe, valivaṿwima, valivatwala namumasinagogi gavo namujela, valivadendemula kuvamwene nakuvasungansi, she muli nizina lyanʼimwe.

uLuuka 21:12 ပူးပေါင်းရင်းမြစ်များ

Matayi 22:6

Vhamo vhahavhalema avhavhomvi ivho, vhahavhahoma nkaani nu kuvhagoga.

Matayi 24:8

Vwonti ivwo viliivha vhwandilo vhweleele uvhwa havhaliilizyo aha kumpeleela, inza vwe uvhuvhaavi vhwe vhwandilo uvhwa mwantanda kupaapa.

uLuuka 21:11

Havhili kuliivha ivisumbi ivipiti uku nuukwo, imbazu zimo kuliivha inzala impiti na mavhinu aga kwambushila galiivha ukwinji. Havhili, kuliivha ivintu ivwa kwogofwa ni shilolesyo ishipiti kufuma ku mwanya.

Yohani 15:20

Mukumbuhaje zye návhavhuziizye kuuti, ‘Umuzya te mupiti kuluusya umwene waakwe.’ Inga vhánjimvwizye ine, pe niimwe vhalivhayimvwa. Havhili inga vhakuzyitiha insambiilizyo zyane, pe ni zyinyu vhalizyitiha.

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

iMbombo izya Vhatumwa 22:30

Lwe kwasha, umupiti uwa vhasikaali ahanzaga kumanya kuuti shooni she aVhayuuda vhámulonjeleeye uPaavhuli, pe ahamusatula. Ahalajizya kuuti avhapiti avha vhapuuti pooka nu lukuvhato lwonti vhavhungaane. Pe ahamuleeta uPaavhuli, ahamwimiilisya pilongolela lyavho.

iMbombo izya Vhatumwa 5:40

Pe vhahiitiha amazwi aga Gamaliyeeli, vhahavhiita avhatumwa vhaala, vhahalajizya kuuti vhahomwe. Vhahavhahaana kuuti vhatasambilizyaje havhili ku maha aga izina ilya Yeesu, vhahavhitishila kuuti vhasogolaje ku mwavho.

iMbombo izya Vhatumwa 8:3

Ahavhaliilizyo iho aha mayimba, woope uSaavhuli ahavhavwalanganyaaga avhantu avha mu shivhanza. Ahinjilaga mu nyumba zyavho, ahavhadendemulaga avhanaavuli na vhantanda nu kuvhakunga mu jeela.

iMbombo izya Vhatumwa 9:4

Ahagwa pansi, ahiivwa izwi likumuvhuziilizya kuuti, “Saavhuli! Saavhuli! Shooni she ukunjimvwa?”

1 Peteli 2:13

Ishi, mwe pe muli mwa Mwene uYeesu, muzishindihaje indajizyo izya nsi. Mumushindihaje umwene wiinyu uwa nsi, mwe pe uweene we mulongozi umupiti uwa nsi yiinyu.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.