uLuuka 20:16 - ULufingwi uLupwa

¹⁶ Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

Tesitamenti Umupwa 1965

¹⁶ Alivalʼukuvagogʼava-vomṿi vanava. Uwenʼumugunda wa mampensya alipwanizya pupʼavanji. Lwe viṿuye linili, pe vahati: Zye ndali weya!

uLuuka 20:16 ပူးပေါင်းရင်းမြစ်များ

Matayi 21:34

“Lwe ahavhaliilizyo aha kuyevhila haafiha, ahavhasonteelezya avhazya vhaakwe ku vhalimi ivho, inga vhamunyatulile amantonongwa gaakwe.

Matayi 21:41

Avheene vhahamwamula vhahati, “Alivhalovwa nziila avhavhiivhi ivho nu mugunda waakwe alivhavhiiha avhalimi avhanji vhe vhaliimupa amantonongwa ahavhaliilizyo he hakwanzilwa.”

Matayi 22:7

Lwe umwene ayiivwa zye zyávhombesile ku vhavhomvi vhaakwe, ahaviitwa nkaani. Ahavhasonteelezya avhasikaali vhaakwe, vhahavhagoga avhagozi ivho nu kuyipemba inkaaya yaavho.

Maliko 12:9

Pe uYeesu ahavhavhuziilizya ahati, “Ishi umuhaata mugunda ula alihonzya vhuli? Aliyinza nu kuvhalovwa, nu mugunda uwo aliivhapa avhalimi avhanji.

uLuuka 19:27

Pooka niizyo vhaleeti avhalugu vhaane vhaala vhe vhatanzaga kuuti mbakonzye, muvhagoje pilongolela lyane!’”

uLuuka 20:15

Vhahamukwesela kunzi ku mugunda, vhahamugoga.” Pe uYeesu ahavhavhuziilizya ahati, “Ishi umuhaata mugunda ula alivhavhomba ishooni avhalimi ivho?

iMbombo izya Vhatumwa 13:46

Pe avha Paavhuli nu Balinaaba vhahavhaamula aVhayuuda ivho ku vhudandamazu vhahati, “Yáhondeeye izwi ilya Mulungu lilumbiililwe suuti kuli imwe mwe Vhayuuda. Ileelo mwalihaana, nu kuyilola kuuti mutahondeeye kuvha nu vhulanzi uvhwa shiima shiima. Ishi, twavhaleha, twasogola ku vhantu vhe te Vhayuuda,

VaLoma 11:1

Ishi nkuvhuziilizya kuuti, vhuli, uMulungu ávhalesile avhantu vhaakwe aVhaisilayeeli? Ndaali, te muumwo inga hansi! Yeenya, ine neneene ne Mwisilayeeli, mfumile mu mavhanda aga Aabulahamu, mu nkolo iya Benjamiini.

VaLoma 11:11

Ishi, nkuvhuziilizya havhili kuuti, vhuli, aVhaisilayeeli vhápunuuye nu kugwa nziila? Ndaali! Te muumwo inga hansi! Ileelo kwi idala lyavho ilya kumuhaana uMuposhi, avhantu vhe te Vhaisilayeeli vháposheleeye uvhuposhi, inga aVhaisilayeeli vhavhalolele umwone.

VaLoma 3:31

Pe ishi, lwe tukuhomeelezya kwitiha, vhuli, kwe kuuti indajizyo izi zitali ni ilonka? Ndaali! Inga tuli nu lwitiho, pe tukupela twavhomba ziila zye indajizyo zikulajizya.

VaLoma 3:4

Ndaali, te muumwo inga hansi! UMulungu akuvhalolesya avhantu kuuti uweene akuyanga izya nalyoli nu kuzivhomba, poosye inga avhantu vhonti vhakuluma ilenga. Yeenya, uVhusimbe uVhufinjile vhukuti, “Inga wavhavhuuzya avhantu vhaaho uvhutalamalandu vhwavho, amazwi gaaho ga nalyoli. Inga wavhalonga, uvhulonzi vhwaho vhugolosu.”

VaLoma 3:6

Ndaali, te muumwo inga hansi! Inga vwe zili vhwevhulo, pe uMulungu alivhalonga vhuli ku vhugolosu avhantu avha mu nsi?

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 7:13

Vhuli, ishintu ishinza isho she shándeteeye uvhufwe? Ndaali, te muumwo inga hansi! Uvhutalamalandu vhwe vhwámpeleeye uvhufwe kwi idala ilya shintu ishinza isho, inga kwi idala ilya ndajizyo uvhutalamalandu vhumanyishe kuuti vhuvhiivhi nkaani.

VaLoma 7:7

Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

VaLoma 9:14

Ishi pe tuti vhuli? Tuti, uMulungu te mugolosu? Ndaali, te muumwo inga hansi!

1 VaKolinti 6:15

Mutamanyile kuuti amavhili giinyu vipelwa ivwa muvhili uwa Chilisiti? Ishi ungavinyatula ivipelwa ivwa muvhili uwa Chilisiti nu kuvisopenkanya nu muvhili uwa mulugusu? Ndaali, te muumwo inga hansi!

VaGalati 2:17

Ishi, lwe tukulondola kuvhaazilwa kuuti twe vhagolosu kwi idala ilya Chilisiti, vhamo vhakuyanga kuuti tuli she twe vhatalamalandu. Vhuli, izi zikulolesya kuuti uChilisiti akutuvhiiha kuuti tuvhombaje uvhutalamalandu? Ndaali, te muumwo inga hansi!

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.