uLuuka 2:34 - ULufingwi uLupwa

³⁴ Pisinda, uSimiyooni ahavhaloota. Havhili ahamuvhuuzya uMaliiya ahati, “Umwana uno avhisiilwe nu Mulungu kuzya vhantu avhinji mu nsi iya Isilayeeli. Avhantu vhe vhalimuhaana vhalilongwa, ileelo vhe vhalimwitiha vhaliipokwa. Uweene aliivha shilolesyo isha Mulungu kulunjisya ulukasamo lwakwe ku Vhaisilayeeli, ileelo avhantu vhalimuhaana.

Tesitamenti Umupwa 1965

³⁴ PʼuSimeyoni ahavalota ahamuvuzyʼuMaliya unyina ahati: Yenya, wununo we wa kuvagwisya nukuvimiha ve vinji mwa Yisilayili umu, we wa kuvʼumumfindango wa kudalinkanila,—

uLuuka 2:34 ပူးပေါင်းရင်းမြစ်များ

Matayi 11:19

Niine ne Mwana wa Aadamu ninzile, nkulya nu kumwela, avheene vhakuti, ‘Uno mupafu havhili wu shimwela. Havhili mumanyani uwa vhasonchezya musonko na vhatalamalandu avhanji!’ Ileelo uvhushindamu uvhwa njeele vhukuloleha kuuti vhwa nalyoli ku vhugolosu uvhwa mbombo zyakwe.”

Matayi 12:46

Lwe uYeesu akuyanga ni ivhungaana ilya vhantu, unyina na vhanine vhaakwe vhahinza nu kwimiilila panzi, vhahanzaga kuyanga nawo.

Matayi 21:44

Umuntu wonti we agwila pi ivhwe ilyo, alivunzinkana. Havhili umuntu wonti we ivhwe ilyo lyamugwila, lilimuvinyulanya.”

Matayi 27:63

Pe vhahamuvhuuzya vhahati, “We mwene, tukukumbuha kuuti lwe we akuhopenkanya ula mupuuma, áyanzile átili, ‘Lwe zyatuuha insiku zitatu, ndizyuha.’

uLuuka 2:35

Pe izya muhati mu mooyo aga vhantu avhinji ziliivha apazelu. Niiwe, umwoyo waaho wulivwalala nkaani, ngati vhuvwalale uvhwa ipanga.”

Yohani 3:20

Avhantu vhonti vhe vhakuvhomba imbiivhi, vhakuvhuviitilwa uvhuzelu uvhwo. Havhili vhatakwanza kusogola kwe uvhuzelu vhuli, vhakuvhomba isho inga imbiivhi zyavho zitahaloleshe apazelu.

Yohani 5:18

Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

iMbombo izya Vhatumwa 13:45

Ileelo aVhayuuda lwe vhaalola avhantu vhavhungiine ivhungaana ipiti, vhahavha nu mwone. Vhahanda kuhaana amazwi ge uPaavhuli ahayangaga nu kumusaamula.

iMbombo izya Vhatumwa 17:6

Lwe vhatavhaaga, vhahamulema uYaasoni pooka na vhamwavho vhamo, vhahavhatwala ku maha ku vhapiti avha nkaaya, uku vhakuzuma ahalanga kuuti, “Avhantu ivha vhe vhakupela ivho ipiti mu nsi zyonti. Ishi vhinzile mu nkaaya yiitu.

iMbombo izya Vhatumwa 24:5

“Umuntu uno tuvhwenyi kuuti mutamwe nkaani. Akuleeta uvhusambusu mu Vhayuuda avha nsi zyonti. Uweene mupiti uwa shipuuto isha Vhanaazaleeti she te sha muumwo.

iMbombo izya Vhatumwa 28:22

Ileelo tukwanza kwivwa kuli iwe zye ukusiivha, mwe pe kuzya mpuga ye ukuyilandata, tumanyile kuuti yikuyangwa havhiivhi kwonti.”

iMbombo izya Vhatumwa 4:26

Avhamwene avha nsi vhayisengiinye, na vhapiti vhavhungiine pooka, kulwa nu MWENE uMulungu nu Meesiya waakwe.’

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

VaLoma 9:32

Vhatávhaziliilwe kuuti vhagolosu, mwe pe vhásuvhiiye imbombo zyavho, vhálesile kumwitiha uChilisiti. Vhahapunula pi ivhwe liila ipiti, vhahagwa.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

VaHebuli 7:1

UMelikizeedeki uyo áamile wu mwene uwa mu nkaaya yimo ye vhahatinji iSaleemu. Havhili áamile mupuuti uwa Mulungu uMupiti uwa ku Mwanya. UMelikizeedeki áhomiine nu Aabulahamu, lwe uAabulahamu akuvhwela kufuma ku vhulugu kwe ávhapoosite avhamwene vhane. Pe uMelikizeedeki ahamuloota uAabulahamu.

VaHebuli 7:7

Niiswe nalyoli tumanyile kuuti umuntu we ali na maha aga kuloota, mupiti kuluusya we akulootwa.

1 Peteli 4:14

Inga mukuligwa, mwe pe mwe vhiitisi avha Chilisiti, mumanyaje kuuti mulosiitwe, mwe pe uMupepo uwa kusukumizya uwa Mulungu ali pooka niimwe.