uLuuka 19:12 - ULufingwi uLupwa

¹² “Kwáli umuntu wumo uwa mu luho ulwa shimwene, we ashuuye kusogola insi iya kutali. Ásogooye ku nsi iyo, inga aposheele amaha aga kukonzya uvhumwene, pe agalushe kuyikonzya insi yaakwe.

Tesitamenti Umupwa 1965

¹² Pʼahayanga ahati: Wokʼumuntu wa munyimṿwila ahavala kunsi ya kukutali ukuyiposhelelʼuvumwene nukuvwela nohavili.

uLuuka 19:12 ပူးပေါင်းရင်းမြစ်များ

Matayi 21:38

Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana uwa mugunda uno. Ishi nzaaji, tumugoje inga umugunda uno wuvhe wiitu.’

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Maliko 12:1

UYeesu ahanda kuyanga na vhantu ku viholanyo ivwamwavho ahati, “Umuntu wumo álimile umugunda uwa mampensya, ahagazenjeelela uluvhaga, ahabana inshelenje iya kufinyila amampensya. Ahazenga inganzya intali iya kwimililila umuguulizi, ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

uLuuka 20:9

Pe uYeesu ahanda kuvhavhuuzya avhantu ishiholanyo ishi, ahati, “Kwáli umuntu wumo, we álimile umugunda uwa mampensya. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali. Ukwo ahadiila insiku inyinji.

uLuuka 24:51

Lwe akujendeelela kuvhaloota, ahaseguha hansi, pe ahanyatulwa kusogola ku mwanya.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

iMbombo izya Vhatumwa 17:31

Akuvhalajizya isho, mwe pe avhiisile isiku lye alivhalonga avhantu vhonti mu vhwanalyoli, kwi idala ilya muntu we amusavhuuye. UMulungu avhahomesheziizye avhantu vhonti izyo, kwi idala ilya kumuzyusya umuntu uyo.”

1 VaKolinti 15:25

UChilisiti akwanzilwa akonzye kufishila pe uMulungu alivhavhiiha avhalugu vhaakwe vhonti pansi pa vinama vwakwe.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

Ishitushizya 1:7

Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.