uLuuka 18:7 - ULufingwi uLupwa

⁷ Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

Tesitamenti Umupwa 1965

⁷ UwenʼuMulungu lelo pʼatinjʼasitaje ukugoloshezyʼamalandu ga vasavulwa vakwe ve vakuvilishila kukwakwe nashamusanya nashavusiku, wʼakwolovela shisitamulaha kuli vuvo?

uLuuka 18:7 ပူးပေါင်းရင်းမြစ်များ

Matayi 24:22

Inga uMulungu atazivhiihaje insiku izyo izya mayimba kuvha nyinsi, umuntu nuumo we aamile apokwaje. Ileelo kuzya vhasaavhulwa vhaakwe, uMulungu alizivhiiha insiku izyo kuvha nyinsi.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 11:13

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

uLuuka 2:37

Kufuma ipo umulume waakwe áfuuye, ahasyala muziishe, ahafisya amaaha 84 kufuma kupaapwa kwakwe. Ahavhaliilizyo honti ahavhanga pa Nyumba iMfinjile, ahamupuutaga uMulungu uvhusiku nu musanya kwi idala ilya kulaavha nu kuyiima kulya.

uLuuka 21:28

Izyo zyonti, lwe zyaakwanda kuvhombeha, muhavhanje nu lusuuvhilo nu luseshelo, mwe pe izyo zililolesya kuuti uMulungu apalamiiye kuvhatavhula!”

VaLoma 8:33

Nalyoli naawumo we angavhalonjeelela avhasaavhulwa avha Mulungu, mwe pe uMulungu wuuyo we akuvhavhaazya kuuti vhagolosu.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 VaTesaloniki 3:10

Uvhusiku nu musanya tukumulaavha uMulungu ku mute, kuuti atwavwe twinze havhili kuli imwe, inga tuvhaavwe she musovheliilwe mu lwitiho lwinyu.

2 VaTesaloniki 1:6

UMulungu alivhomba ingolosu, uweene aliivhapa amayimba vhe vhakuvhayimvwa imwe,

1 Timoti 5:5

Umuziishe wonti we atali na vha kumwavwa, uweene avhiisile ulusuuvhilo lwakwe kwa Mulungu weeka, akulaavha kuuti amwavwaje uvhusiku nu musanya.

2 Timoti 1:3

Nkumusalifwa uMulungu we nkumuvhombela ku mwoyo umuzelu, inza vwe avhataata vhaane vhoope vhahavhombaga. Nkumusalifwa ku mbombo yaaho, havhili nkukukumbuha mu mpuuto zyane uvhusiku nu musanya.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.

Ishitushizya 18:20

Seshelaaji imwe mwanya, kuzya vhunanjisu vhwakwe! Seshelaaji mwe vhafinjile, mwe vhatumwa na mwe vhakuvhwi! Mwe pe uMulungu ayilonga ku ziila zye yivhavhombeeye imwe!”

Ishitushizya 6:10

Vhahakuuta kwi izwi ipiti, kuuti, “We MWENE Mulungu uwa Maha Gonti, Mufinjile nu Wa Nalyoli, kuuti uhaavhe kufishila lyeli, kuvhalonga nu kuvhalanduzya avhantu vhonti avha pa nsi, kuzya kwita amavhanda giitu?”

Ishitushizya 7:15

‘Ye nongwa vhali pilongolela ilya shitengo isha vhumwene isha Mulungu. Vhakumuvhombela uMulungu uvhusiku nu musanya mu Nyumba yaakwe iMfinjile, woope we atendiime pa shitengo isha vhumwene aliivha pooka navho kuvhadiima.