uLuuka 18:14 - ULufingwi uLupwa

¹⁴ Pe uYeesu ahati, “Nkuvhavhuuzya kuuti, umusonchezya musonko ávhweleeye kuhaaya, avhaziliilwe kuuti mugolosu. Ileelo uMufalisaayi ula, haa! Navhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

Tesitamenti Umupwa 1965

¹⁴ Leshi mbavuzyʼine: Uno wʼavweleye kuhaya muvugolosu amulusizyʼuwamwavo. She vonti venga vakuyimwamiha veka, ve vakwishilwa, vonti nyene venga vakuyisya veka, ve vakwimishilwa.

uLuuka 18:14 ပူးပေါင်းရင်းမြစ်များ

Matayi 23:12

Nkuvhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.

Matayi 5:3

“Vhalosiitwe vhe vhapiina mu mooyo, mwe pe uvhumwene uvhwa Mulungu vhwavho.

uLuuka 1:52

Avhamwene avhefwizye mu mbombo yaavho iya kukonzya, nu kuvhavhiiha avhayeyevhazu.

uLuuka 10:29

Ileelo umusambiilizi uwa ndajizyo uyo ahanzaga kuyivhiiha kuuti mugolosu pilongolela ilya Mulungu, pe ahamuvhuziilizya havhili uYeesu ahati, “Ishi, umupalamani waane wu naanu?”

uLuuka 14:11

Nkuvhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaLoma 4:5

Ileelo umuntu we atakusuuvhila imbombo zyakwe, nkandi akumwitiha uMulungu we akumuvhaazya kuuti mugolosu, pooka nu kuuti te mugolosu, uyo we uMulungu akumuvhaazya kuuti mugolosu kulandatana nu lwitiho lwakwe.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

VaLoma 8:33

Nalyoli naawumo we angavhalonjeelela avhasaavhulwa avha Mulungu, mwe pe uMulungu wuuyo we akuvhavhaazya kuuti vhagolosu.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

Yakobu 4:10

Muyisyaje pilongolela ilya Mwene uYeesu, pe woope kwe avhazuvwe.

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”