uLuuka 18:12 - ULufingwi uLupwa

¹² Ine nkuyiima kulya luvhili ku mulungu wooka, kuzya kulaavha. Havhili, nkukufumwizya impuutile ishigavho shooka pa vigavho 10 mu vintu vwane vwonti.’

Tesitamenti Umupwa 1965

¹² Niṿintu nkufunga havilʼumulungu woka. Vwonti naṿwenga nkulonkʼine, ṿwe nkufumwa iṿwa pishumi.

uLuuka 18:12 ပူးပေါင်းရင်းမြစ်များ

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Matayi 6:1

“Yeenya, mutavhombaje inyinza pilongolela ilya vhantu, inga vhavhalole, mwe pe inga mukuvhomba vhwevhulo, te muhaposheele ishipeelwa kufuma kwa Taata wiitu uwa ku mwanya.

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

Matayi 9:14

Pisinda, avhasundikwa avha Yoohani vhahasogola kwa Yeesu, vhahamuvhuziilizya vhahati, “Iswe na Vhafalisaayi tuli na maata aga kuyiima kulya. Shooni she avheene avhasundikwa vhaaho vhatakuyiima kulya?”

uLuuka 11:42

“Mwasheela imwe mwe Vhafalisaayi! Yeenya, mukumufumwizya uMulungu ishigavho shooka pa vigavho 10 poosye ni sha vintu ivinsi inza uvhulende ni nzembwa ni nyanyi izyamwavho izya matundu amavhiila mu mavhiila. Ileelo mutakusaajila kuvhomba ingolosu, poosye kumukunda uMulungu. Izi zye mukwanzilwa kuzivhomba, pooka ni nyinsi izyo zye mukuzivhomba.

uLuuka 17:10

Vwe zili na kuli imwe, lwe mwamala kuvhomba zyonti zye uMulungu avhalajiziizye, pe mutinji, ‘Iswe swe vhazya swe tutahondeeye kutusalifwa, twavhomba zye tukwanzilwa kuvhomba.’”

VaLoma 3:27

Pe ishi, inongwa izi zikutudindila nziila kuyitumvwa, mwe pe tutakuvhaazilwa kuuti twe vhagolosu kwi idala ilya kulandata indajizyo izya Moose, nkandi kwi idala ilya kumwitiha uYeesu vhweleele.

1 VaKolinti 1:29

Ávhomvile vhwevhulo, inga atahaavhe umuntu wonti uwa kuyitumvwa pilongolela ilya Mulungu.

VaGalati 1:14

Nalyoli návhapoosite avhamwitu avhinji vhe twákuzile pooka navho, kulwila shipuuto shiitu isha Vhuyuuda. Nákanyiiye nkaani kugalema amaata aga vhataata vhiitu.

VaEfeso 2:9

Mutahapeelwa uvhuposhi ku mbombo zyinyu inyinza, inga nuumo atahinze ayitumvwe.

1 Timoti 4:8

“Inga umuntu akuyiluvhizya umuvhili waakwe nkaani kuuti wuvhe na maha, akuvha ni ilonka linsi vhweleele. Ileelo inga akuvha nu lujendo ulwinza pilongolela ilya Mulungu, akulyaga ilonka mu zyonti, mu vhulanzi uvhwa pa nsi ipa nu vhwa havhaliilizyo he hakwinza.”