uLuuka 18:1 - ULufingwi uLupwa

¹ UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

Tesitamenti Umupwa 1965

¹ Pʼahavavuzya nishiholanyo ukuti umuntu pakuti aputaje shima shisitakuhatampa.

uLuuka 18:1 ပူးပေါင်းရင်းမြစ်များ

uLuuka 11:10

Nkuvhavhuuzya vhwevhulo, mwe pe umuntu wonti we akulaavha, akuposheela, woope we akulondola, akuvwaga, woope we akuhonyonsya, akwigulilwa.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

Kolosi 4:2

Mumulaavhaje uMulungu insiku zyonti, muvhanje minso ishisita kulita nu kumusalifwa uweene.

1 VaTesaloniki 5:17

havhili mulaavhaje amanda gonti.