uLuuka 17:31 - ULufingwi uLupwa

³¹ “Isiku ilyo, umuntu we ali pamwanya pa nyumba, atahiishe nu kwinjila mu nyumba, inga anyatule ivintu vwakwe vwe vili muumwo, nkandi ayiishe nu kushimbila. Woope we ali ku magunda, atahagalushe mwisinda kunyatula ishintu shonti.

Tesitamenti Umupwa 1965

³¹ Umusanya wuyo wengʼali pamwanya panyumba, wʼatiha-jʼukusendʼiṿintu ṿwakwe ṿwe yili munyumba. Wope nuno wengʼali pamugunda atagalushile mwisinda.

uLuuka 17:31 ပူးပေါင်းရင်းမြစ်များ

Matayi 16:26

Ishi umuntu angalyaga lilonka vhuli, inga avhiiha insi yonti yavha yaakwe, ileelo avhuteezya uvhulanzi vhwakwe? Poosye umuntu angaafumwa shintu vhuli kuvhutavhula uvhulanzi vhwakwe?

Matayi 6:25

“Pe ishi, nkuvhavhuuzya kuuti, mutayitamwaje ni zya vhulanzi vhwinyu kuuti, kwe mulye ishooni, poosye kuuti kwe mumwele ishooni, poosye ni zya mavhili giinyu kuuti kwe muzwale ishooni. Nkuvhavhuuzya vhwevhulo, mwe pe uvhulanzi vhuli ni nsavho kuluusya ishaakulya, woope umuvhili wuli ni nsavho kuluusya amenda.

uLuuka 21:21

Pe vhe vhali mu shigavho isha nsi isha Yudeeya vhahashimbililaje mu magamba. Vhe vhali mu nkaaya iya Yelusaleemu, vhahafumaje nu kushimbila, na vhe vhali mu magunda, vhatahasheele kuvhwela mu nkaaya.