uLuuka 17:30 - ULufingwi uLupwa

³⁰ Vwe ziliivha isiku liila, lye ne Mwana wa Aadamu ndiloleha apazelu.

Tesitamenti Umupwa 1965

³⁰ She ziliva vovulo Zyope nizya pisiku lya kulolehʼuMwanamuntu.

uLuuka 17:30 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 24:3

Pe uYeesu ahazuvha pi igamba ilya Mazayituuni nu kutendama penepo. Lwe atendama, avhasundikwa vhaakwe vhahasogola kwa Yeesu kukwilu vhahati, “Tuvhuuzye, zyonti izyo zilifumila lii? Havhili shilolesyo vhuli she shilitulolesya kwinza kwaho nu vhusililishilo uvhwa nsi?”

Matayi 24:37

Inza vwe zyámile insiku izya Noowa, vwe ziliivha ahavhaliilizyo aha kugaluha ine ne Mwana wa Aadamu.

Matayi 24:39

Avhantu ivho vhatámanyile naashimo she shingafumila mwilongolela, kufishila pe amahavha gavhalovwa vhonti. Vhwevhulo, vwe kuliivha kwinza kwane ne Mwana wa Aadamu.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Maliko 13:26

Ahavhaliilizyo iho, pe avhantu vhalindola ine ne Mwana wa Aadamu nkwinza mu mavhingo ku maha nu vhushindamu.

uLuuka 17:24

Navhavhuuzya izyo, mwe pe kwinza kwane ne Mwana wa Aadamu, pi isiku ilya vhusililishilo, kuliivha kwa kwitushizya inza ulumesyo ulwa mvula intalala vwe lukuhozya imbazu zyonti kumwanya.

uLuuka 17:29

Ileelo isiku liila lwe uLooti ayeepa mu nkaaya iya Sodooma, umwoto ni mbaluuti kufuma ku mwanya vihiiha inza imvula, vihavhalovwa avhantu vhonti.

uLuuka 21:22

Nkuvhavhuuzya isho, mwe pe insiku izyo ziliivha zya mayimba, inga amazwi gonti ge gasimviilwe mu Vhusimbe uVhufinjile galunjishe.

uLuuka 21:27

“Pe ne Mwana wa Aadamu ndililoleha nkwinza mu mavhingo na maha nu vhushindamu uvhupiti.

1 VaKolinti 1:7

Poosye ishi mutasovheliilwe ishikunjilwa inga shooka isha Mupepo uMufinjile, lwe mukuguliilila kugaluha ukwa Mwene wiitu uYeesu Chilisiti.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

1 Peteli 4:13

Ileelo museshelaje, mwe pe mukuyimba inza vwe uChilisiti áyimvile. Kuli izyo, muliivha nu luseshelo ulupiti nkaani, lwe uChilisiti aloleha mu vhushindamu vhwakwe.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

Ishitushizya 1:7

Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.