uLuuka 17:3 - ULufingwi uLupwa

³ Ishi, muvhe minso, inga mutavhombaje isho! “Inga uwamwinyu akunanjila, umusohaje, inga atonta, umuswilaje.

Tesitamenti Umupwa 1965

³ Mwandaje! Ingʼuwamwinyu atazilʼamalandu kukwaho, pʼumusunde, ilelo ingʼakupinduha, pʼuziswilʼizyakwe.

uLuuka 17:3 ပူးပေါင်းရင်းမြစ်များ

Matayi 18:21

Pe uPeeteli ahasogola kwa Yeesu, ahamuvhuziilizya ahati, “We Mwene, inga uwamwitu ambombela uvhutalamalandu, nkwanzilwa imuswilaje lulinga? Vhuli, poosye mala 7?”

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

VaEfeso 5:15

Pe ishi, muvhanje minso vwe mukulandila, mutalandilaje inza avhapukupuuku, nkandi ku vhushindamu uvhwa njeele.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

Yakobu 5:19

Mwe vhamwitu, tuti uwamwinyu wumo alesile uvhwanalyoli, pisinda uwunji amugalusya havhili.

2 Yohani 1:8

Muvhe minso navho, inga imbombo yiinyu yitahinze yiteeje shaaha. Havhili muvhe minso, inga muhaposheele amalipilo ge gakwanzilwa ku mbombo yiinyu.