uLuuka 17:24 - ULufingwi uLupwa

²⁴ Navhavhuuzya izyo, mwe pe kwinza kwane ne Mwana wa Aadamu, pi isiku ilya vhusililishilo, kuliivha kwa kwitushizya inza ulumesyo ulwa mvula intalala vwe lukuhozya imbazu zyonti kumwanya.

Tesitamenti Umupwa 1965

²⁴ Shʼinza shʼulumesyo lwa mṿula lukumesya lukufuma kuluvazu lwoka lwa kumwanya, lukufiha kuluvazʼulwamwavo ukuhozya, shʼalihonzya vovulo wope nuMwanamuntu pisiku lyakwe.

uLuuka 17:24 ပူးပေါင်းရင်းမြစ်များ

Matayi 24:27

Navhavhuuzya izyo, mwe pe kwinza kwane ine ne Mwana wa Aadamu, kuliivha kwa kwitushizya inza ulumesyo ulwa mvula intalala lwe lukufuma kuvhutukulo na havhaliilizyo hanaaho lukufiha kuvhuswelo.

Matayi 24:30

“Ahavhaliilizyo iho ishilolesyo isha ine ne Mwana wa Aadamu shililoleha kumwanya. Pe avhantu vhonti avha mu nkolo izya mu nsi zyonti vhalitaliha kuloosya kwi lyoga. Lwe nkwinza, avhantu vhonti vhalindola mu mavhingo na maha nu vhushindamu uvhupiti.

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 5:15

Havhili, avhantu vhatakuhozya inyaale nu kuyigubishila ni nsonta, nkandi vhakuyivhiiha pi ibeeja, inga yivhahozezye vhonti vhe vhali mu nyumba.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

1 VaTesaloniki 5:2

Twavhomba vhwevhulo, mwe pe imwe mweneemwe mumanyile kuuti isiku ilya kwinza uMwene, liliivha lya kwitushizya inza umwivha vwe akwinza uvhusiku.

2 VaTesaloniki 2:2

mutasaagaje nu kuvha na maganigani kuzya nongwa izya vhukuvhwi, poosye izya kulumbiilila, poosye izya kalaata we akusivhiililwa kuuti afumile kuli iswe, kuuti isiku ilya kwinza uMwene lifisile.

2 VaTesaloniki 2:8

Ipo pe uMusambusu uyo aliloleha, ileelo uMwene uYeesu lwe akwinza alimugoga nu mwuyu kufuma mwi ilomu lyakwe. Havhili alimulovwa ku vhuzelu uvhwa vhushindamu uvhwa kwinza kwakwe.

Yakobu 5:8

Niimwe vhwevhulo, mujimbililaje, havhili mugomaje amooyo giinyu, mwe pe kwinza ukwa Mwene kupalamiiye.

2 Peteli 3:10

Isiku ilya Mwene ilya kulonga avhantu liliyinza kwi idala ilya kwitushizya inza umwivha. Isiku ilyo, imwanya yiliyeepa ku lujilimo ulupiti, ivintu vwe vwápeziilwe hali vilipembwa nu mwoto, yoope insi yiliilovha pooka ni vintu vwonti vwe vili muumwo.