uLuuka 17:1 - ULufingwi uLupwa

¹ UYeesu ahavhavhuuzya avhasundikwa vhaakwe ahati, “Indingo zye zikupelela avhantu kuvhomba uvhutalamalandu ziliipo insiku zyonti. Ileelo asheela umuntu we akuzileeta indingo izyo!

Tesitamenti Umupwa 1965

¹ Pʼahavavuzyʼavasundikwa vakwe ahati: Impunuzyo zye zyashi zye zikuva zitakusila. Nkandi ye mwe we muntu wʼukuzileta.

uLuuka 17:1 ပူးပေါင်းရင်းမြစ်များ

Matayi 16:23

Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Matayi 18:7

“Mwasheela mwe vhantu mwe vha mu nsi umu, ku ndingo zye zikupelela avhantu kuvhomba uvhutalamalandu! Indingo izyo zikwanzilwa kwinza, ileelo asheela umuntu we akuzileeta indingo izyo!

uLuuka 16:31

UAabulahamu ahamwamula ahati, ‘Inga vhatakuzyitiha zye zisimviilwe nu Moose na vhakuvhwi, poosye umuntu azyushe kufuma ku vhafwe, vhatangamwitiha.’”

VaLoma 14:13

Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

1 VaKolinti 10:32

Mutavhavwalazyaje amooyo aVhayuuda, poosye vhe te Vhayuuda, poosye avhantu avha mu shivhanza isha Mulungu.

1 VaKolinti 11:19

Vhuli, mukusiivha kuuti mukwanzilwa musugaane? Vhuli, mukwanza vhamanyishe vhe vhakuyilola kuuti vhitishiliilwe pilongolela ilya Mulungu?

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

1 Timoti 4:1

UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

Ishitushizya 2:14

Ileelo indi na mazwi mansi niiwe: Vhamo muli imwe vhakulandata insambiilizyo izya Baalamu. Ula we ámusambiliziizye uBaalaki kuvhapuvwa aVhaisilayeeli kuuti vhalye impuutile zye vháfumwizye ku viholanyo nu kuvhembuha.

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.