uLuuka 16:22 - ULufingwi uLupwa

²² “Pisinda, umupiina uLaazalo ahafwa. Avhahavhizya vhahamunyatula, vhahamuvhiiha papiipi nu Aabulahamu ku mwanya. Udumbwe ula, woope ahafwa, vhahamusyila.

Tesitamenti Umupwa 1965

²² Pe lelo umusamusu ahafwa. Avahavizya vahamunyatula pashifuva sha Abulahamu; wope nudumbwe ahafwa, ahasyilwa.

uLuuka 16:22 ပူးပေါင်းရင်းမြစ်များ

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Matayi 8:11

Nkuvhavhuuzya kuuti, avhantu avhinji kufuma imbazu zyonti izya nsi, vhaliyinza nu kulya umulyo pooka nu Aabulahamu nu Yisaaka nu Yaakobu mu vhumwene uvhwa Mulungu.

Maliko 8:36

Ishi umuntu angalyaga lilonka vhuli, inga avhiiha insi yonti yavha yaakwe, ileelo avhuteezya uvhulanzi vhwakwe?

uLuuka 12:20

Ileelo uMulungu ahamuvhuuzya ahati, ‘We mupukupuuku iwe! Uvhusiku uvhwa ileelo ili kuuti ufwe! Ivintu vwonti vwe uyivhishiiye, kuuti vivhe vwa naanu?’

uLuuka 16:21

ni mbwa zihamumwantaga genego. Inzala yihamulumaga nkaani, pe ahanyonywaga kulya utulagala twe tuhalagalaga kufuma pa meeza pe ahalyanga udumbwe uyo.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 13:23

Páamile umusundikwa wumo mu vhasundikwa vhaakwe we uYeesu ámukunzite nkaani. Uweene átendiime papiipi nu Yeesu, lwe ali kulya.

Yohani 21:20

Pe uPeeteli ahashevhela mwisinda, ahamulola umusundikwa we uYeesu ámukunzite akuvhalandata. Umusundikwa uyo we átendiime papiipi nu Yeesu lwe vhaakulya ishaakulya isha Pasaaka, nu kumuvhuziilizya kuuti, “We Mwene, wu naanu we kuuti akwaniile?”

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 2:14

Mwe pe avhaana ivho vhali na mavhili na mavhanda, woope uYeesu áyinzile nu muvhili na mavhanda inza avheene. Ávhomvile vhwevhulo, inga kwi idala ilya vhufwe vhwakwe agapoote amaha aga Mukwalanzi we ali na maha aga kuleeta uvhufwe.

Yakobu 1:11

Lwe izuvha lyatukula, ahasanya haalama nkaani nu kufwosya amatundu, uvhwezya vhukulagala, uvhwinza vhwakwe vhukunanjiha. Vhwevhulo nu dumbwe woope, lwe akujendeelela mu mbombo zyakwe, munuumwo mwe alifwila.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

Ishitushizya 14:13

Pe nkiivwa izwi kufuma ku mwanya, lihati, “Simba! Vhalosiitwe avhantu vhaala vhe kwandila isaala izi vhakufwa she vhamwitisile uMwene uYeesu.” Woope uMupepo uMufinjile akuti, “Mwe muumwo! Vhalituuzya amayimba gaavho, mwe pe imbombo zyavho inyinza zilimanyiha.”