uLuuka 16:2 - ULufingwi uLupwa

² Pe ahamwita ahamuvhuuzya ahati, ‘Nongwa vhuli izi zye nkwivwa ku mbombo yaaho? Lolesya uvhusimbe vhwe vhukulolesya vwe uvhombeeye ivwuma vwane, mwe pe utakwanzilwa kuvha we mwimiilizi havhili!’

Tesitamenti Umupwa 1965

² Pʼahamwita, ahamuvuzya ahati: Zye nongwa vuli zye nkwiṿwa palʼiwe? Ukwo, umbazizye iṿwa pavusunzi vwaho, she pʼutakuva we wa kusunjililʼinyumba yane shinishi.

uLuuka 16:2 ပူးပေါင်းရင်းမြစ်များ

Matayi 12:36

Ishi nkuvhavhuuzya kuuti, amazwi gonti aga shaaha ge avhantu vhakuyanga, vhaligalondovhola isiku ilya vhulonzi.

Matayi 20:8

“Lwe izuvha lyinjila, umuhaata mugunda uyo ahamwita umwimiilizi, ahati, ‘Vhiite avhavhomba mbombo vhonti, inga uvhalipe amalipilo gaavho. Lwe ukuvhalipa, utalishe na vhe vhayagaasite ku vhusililishilo nu kumaliilizya na vhatanzi.’

uLuuka 12:20

Ileelo uMulungu ahamuvhuuzya ahati, ‘We mupukupuuku iwe! Uvhusiku uvhwa ileelo ili kuuti ufwe! Ivintu vwonti vwe uyivhishiiye, kuuti vivhe vwa naanu?’

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

uLuuka 16:1

UYeesu ahavhavhuuzya avhasundikwa vhaakwe ahati, “Kwáli udumbwe wumo, we áamile nu mwimiilizi uwa vwuma vwakwe. Udumbwe uyo ahiivwa kuuti umwimiilizi waakwe uyo akunanganya ivwuma vwakwe.

uLuuka 16:3

“Umwimiilizi uyo ahayivhuziilizya mu mwoyo ahati, ‘Umupiti waane akuneefwa pa mbombo, ishi imbombe ishooni? Kulima, ntali na maha. Havhili kulaavha, nkulola insoni.

VaLoma 14:12

Kuli izyo, umuntu wonti muli iswe alilondovhola wuuyo inongwa zyakwe pilongolela lya Mulungu.

1 VaKolinti 1:11

Vhamwitu, avhantu vhamo avha mu nyumba iya Kuloowe vhambuziizye kuuti kuli imwe kuli ivho.

1 VaKolinti 4:2

Ishi she shikwanzilwa kwa muntu we apeliilwe imbombo iya kwimililila, kwe kuvha nu vhutungamu.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 5:10

Nkuyanga vhwevhulo, mwe pe iswe swenti tuliyimiilila pilongolela ilya Chilisiti, nu kulongwa. Avhantu vhonti vhaliposheela amalipilo aga mbombo zye vhakuvhomba mu nsi umu, zivhe nyinza, poosye zivhe mbiivhi.

1 Timoti 4:14

Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

1 Timoti 5:24

Uvhutalamalandu uvhwa vhantu vhamo vhuli apazelu, vhuliloleha she vhashiili kufiha mwi ilonjelwi, ileelo uvhutalamalandu uvhwa vhamo vhuzyihiime, vhuliloleha pisinda.

1 Peteli 4:10

UMulungu avhapiiye avhiitisi ivikunjilwa ivwa mavhiila mu mavhiila. Kuli izyo, vhonti vhakwanzilwa kuvhombela ivikunjilwa vwavho kuvhavhombela avhanji inza umwimiilizi umwinza uwa vipeelwa ivwa mavhiila mu mavhiila ivwa Mulungu.

1 Peteli 4:5

Ileelo vhaliyiyanjila vhuuvho pilongolela ilya Mulungu, we ayisengiinye kuvhalonga avhantu vhonti avhalanzi na vhafwe.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.