uLuuka 15:24 - ULufingwi uLupwa

²⁴ mwe pe umwana waane uno aamile ngati afuuye, ishi azyuha, havhili aamile ngati ateezile, ishi aloleha!’ Pe avhantu ivho vhonti vhahataliha kudovhela ku luseshelo.

Tesitamenti Umupwa 1965

²⁴ Shʼumwana wanʼuno amafuye, shinishi pʼazyusile havili, amatezile, shinishi palolesile havili. Pe vahandʼukuseshela nkani.

uLuuka 15:24 ပူးပေါင်းရင်းမြစ်များ

VaEfeso 2:5

ahaatupa uvhulanzi pooka nu Chilisiti. Ávhomvile vhwevhulo, lwe twámile swe vhafwe, mwe pe twámile swe vhatalamalandu. Kwe ku vhwila vhwakwe, uMulungu avhaposile.

Kolosi 2:13

Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

uLuuka 19:10

Mukumbushe kuuti, ne Mwana wa Aadamu ninzile kulondola nu kuvhapoha avhantu vhe vhateezile.”

VaEfeso 2:1

Hali, imwe mwámile mwe vhafwe, mwe pe muhashilanyaaga indajizyo izya Mulungu nu kuvhomba uvhutalamalandu.

uLuuka 15:4

“Ishi muli imwe, inga umuntu ali ni ngʼonzi 100, ileelo yooka yateega, angahonzya vhuli? Atangazileha ziila 99 kwi ilaala nu kusogola kuyilondola ye yiteezile, kufishila pe ayaaga?

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaLoma 12:15

Museshelaje pooka na vhe vhakuseshela, mukuutaje pooka na vhe vhakukuuta.

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

1 VaKolinti 12:26

Inga ishipelwa shooka shavwalala, vwonti vikuvwalala pooka nasho. Havhili inga ishipelwa shooka shatiimwa, vwonti vikuvha nu luseshelo pooka nasho.

1 Timoti 5:6

Ileelo umuziishe we akunyonywa izya mu nsi, uweene akuvha afuuye, poosye she mupuuma.

VaLoma 11:15

Ishi inga kuhaanwa ukwa Vhayuuda kwávhapeleeye vhe te Vhayuuda kwivwana nu Mulungu, pe ziliivha vhuli lwe aVhayuuda vhaposheelwa nu Mulungu? Nalyoli kuposheelwa kwavho kuliivha fwe kwe kuzyuha ukwa vhafwe.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Maliko 8:22

UYeesu na vhasundikwa vhaakwe vhahafiha mu nkaaya iya Betisaayida. Avhantu vhamo vhahamuleetela untonko, vhahamulambiilizya kuuti amuleme inga amuponie.

Ishitushizya 3:1

“Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.

uYuuda 1:12

Avhantu ivha vhakunanganya lwe vhakulya pooka niimwe pa mulyo uwa shikunzi, vhakulya vheeka ishisita insoni. Havhili vhali inza amavhingo ge gatali ni mvula, ge inkungu yikugapempenusya. Vhali inza amakwi ge gatali na mantonongwa ahavhaliilizyo aha mvuno, ge gafuuye nziila nu kwilulwa.

uLuuka 10:19

Yeenya, mbapiiye amaha aga kumupoota umulugu mu zyonti. Ku maha igo kuuti muhanyaje injoha ni nkoonya, havhili shitaliipo ishintu isha kuvhavwalazya.

Matayi 8:22

UYeesu ahamwamula ahati, “Iwe ndandataga! Vhaleshe avhafwe vhavhasyile avhafwe vhaavho.”

uLuuka 9:60

UYeesu ahamwamula ahati, “Vhaleshe avhafwe vhavhasyile avhafwe vhaavho. Ileelo iwe, sogoola ukumusye uvhumwene uvhwa Mulungu.”

uLuuka 15:23

Nyatuuli ingʼombe ingida yiila, vhooli, tulye nu kuseshela,

uLuuka 15:25

“Ahavhaliilizyo iho, umwana waakwe usongo áamile ku mugunda. Lwe akuvhwela apalamila papiipi ni nkaaya, ahiivwa avhantu vhakwimba nu kudovhela.