uLuuka 15:18 - ULufingwi uLupwa

¹⁸ Ishi kwe mbwele kwa taata nu kumuvhuuzya kuuti, “We taata, mbomvile uvhutalamalandu kwa Mulungu na kuli iwe.

Tesitamenti Umupwa 1965

¹⁸ Pe mbuhaje lelo ukuvala kwa tata ukuyanga nawo ukuti: Tata, ntazilʼamalandu kumwanya nakukwaho.

uLuuka 15:18 ပူးပေါင်းရင်းမြစ်များ

Matayi 3:6

Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

Matayi 6:14

UYeesu ahayanga havhili ahati, “Inga mukuvhaswila avhamwinyu uvhupuvi vhwavho, woope uTaata wiitu uwa ku mwanya alivhaswila uvhupuvi vhwinyu.

Matayi 6:9

“Ishi imwe lwe mukumulaavha uMulungu, mutinji, ‘Taata wiitu uwa ku mwanya, izina lyaho lishindikwaje. Uvhumwene vhwaho vhwinze.

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 11:2

UYeesu ahavhavhuuzya ahati, “Lwe mukumulaavha uMulungu, mutinji: Taata wiitu uwa ku mwanya, izina lyaho lishindikwaje. Uvhumwene vhwaho vhwinze. Zye ukasiime, zivhombeshe mu nsi umu, inza vwe zikuvhombeha ku mwanya ukwo.

uLuuka 15:17

“Pisinda, ahasiivha mu mwoyo waakwe ahati, ‘Avhavhomvi vhonti avha taata, vhaakulya nu kuvileha, shooni she ine nkufwa ipa ni nzala!

uLuuka 15:19

Ishi ntahondeeye kuvha ne mwana waaho havhili, nkulaavha umbiishe imbe ne wooka mu vhavhomvi vhaaho.”’

uLuuka 15:21

Pe umwana ula, ahamuvhuuzya utaata waakwe ahati, ‘We taata, mbomvile uvhutalamalandu kwa Mulungu na kuli iwe. Ntahondeeye kuvha ne mwana waaho havhili.’

uLuuka 18:13

“Ileelo umusonchezya musonko ula áyimiliiye ukutali, atálinjiziizye poosye kwenya ku mwanya, ahayihomaga-homaga pa shifuvha shaakwe kuyiisya, ahatinji, ‘We Mulungu, umfwile uvhwila, ine ne mutalamalandu!’”