uLuuka 14:23 - ULufingwi uLupwa

²³ “Umwene ahamuvhuuzya ahati, ‘Ishi! Sogoola kunzi ku nkaaya, mu mbalaabala na mu madala ge gakusogola mu nkaaya, na mu ntala, uvhalambiilizye avhantu vhinze, inyumba yaane yiizule.

Tesitamenti Umupwa 1965

²³ Pʼumwene ahamuvuzyʼumunyamata wakwe ahati: Vuhaga, valaga mwonti namumadala namumpitu, uvaṿijilizyaje vinze munumu, vizulaje munyumba yanʼumu.

uLuuka 14:23 ပူးပေါင်းရင်းမြစ်များ

Matayi 21:43

UYeesu ahajendeelela kuyanga ahati, “Nkuvhavhuuzya kuuti, uMulungu aliyeefwa uvhumwene vhwakwe kuli imwe nu kuuvhapa avhantu avhanji vhe vhakuvhomba ahinza mu mugunda waakwe, inga wupaape amantonongwa.

Matayi 5:41

Umuntu wonti inga akukuvijiilizya kunyatula umuligo waakwe ikilomiita yooka, ufisye umuligo uwo ikilomiita zivhili.

uLuuka 14:22

“Pisinda, umuvhomvi uyo ahagaluha, ahamuvhuuzya ahati, ‘We mwene, zye undajiziizye nazivhomba, ileelo uvhuzilo vhuli she vhusyaye.’

uLuuka 14:24

Nalyoli nkuvhavhuuzya imwe kuuti, muli ivho vhe naavhalanjiiye ku vhwandilo, ataliipo we kuuti alye umulyo we ine nsengiinye!’”

uLuuka 24:29

Pe avheene vhahamulambiilizya nkaani vhahati, “Tudiilaje! Ishi izuvha lyaswa, ishiisi shapalamila.” Pe uYeesu ahinjila mu nyumba, ahatendama navho.

iMbombo izya Vhatumwa 16:15

Ahoozelwa uweene pooka na vhantu avha mu nyumba yaakwe, ahatulambiilizya kuuti tusogole ku kwakwe, ahati, “Inga mwandola kuuti nalyoli namwitiha uMwene uYeesu, mwinjile mu nyumba yaane, mutendame.” Pe ahatusinjiilizya kuuti, tusogole nawo.

iMbombo izya Vhatumwa 18:6

Ileelo aVhayuuda lwe vhanda kumudinda nu kusaamula, pe uPaavhuli ahakunyunta amenda gaakwe, ahavhavhuuzya ahati, “Inga uMulungu avhasunda, pa zyinyu mweneemwe! Kwi izwi ilyo, ine ntali nu vhunanzi naavhumo. Kufuma ileelo ili nasogola ku vhantu vhe te Vhayuuda.”

iMbombo izya Vhatumwa 28:28

UPaavhuli ahajendeelela kuyanga, ahati, “Ishi, mumanye ahinza kuuti, uvhuposhi uvhu vhwe vhufumile kwa Mulungu, avhutwaye na ku vhantu avha nsi izinji, vhoope kwe vhavhuposheele.”

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

2 VaKolinti 5:11

Ishi, mwe pe tumanyile kuuti avhantu vhakwanzilwa kumunyila uMwene uYeesu, tukuvha nu mute uwa kuvhalambiilizya avhantu kuuti vhamwitihaje. UMulungu atumanyile ahinza vwe tuli, niine nkusuuvhila kuuti niimwe mutumanyile ahinza mu mooyo giinyu.

2 VaKolinti 5:20

Ishi, uChilisiti atusonteleziizye kuvhomba imbombo yaakwe, nu kutuushila kuli iswe, uMulungu akuvhalambiilizya kukundana nu weene. Ye nongwa tukuvhalaavha mwa Chilisiti kuuti mukundane nu weene.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:28

UChilisiti uyo we tukuvhalumbiilila, tukuvhasoha nu kuvhasambiilizya avhantu vhonti ku vhushindamu uvhwa njeele vhwonti. Tukuvhomba isho, inga tuvhaleete vhonti pilongolela ilya Mulungu she vhagomile kwi idala ilya kusopenkana nu Chilisiti.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.