uLuuka 13:24 - ULufingwi uLupwa

²⁴ “Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

Tesitamenti Umupwa 1965

²⁴ Simuyikungule kwe kwinjila pashilyangʼishifinyanu. Shʼavinji, zye nkuvavuzyʼine, ve vasungwilwʼukwinjila valipotwa.

uLuuka 13:24 ပူးပေါင်းရင်းမြစ်များ

Matayi 11:12

Kwandila insiku zye uYoohani uMwozyi átalisile kulumbiilila kufishila ileelo, uvhumwene uvhwa Mulungu vhukuyimvilwa nkaani. Vhoope vhe vhali na maha, vhakulinga kuvhugoma.

uLuuka 13:23

Isiku limo, umuntu wumo ahamuvhuziilizya ahati, “We Mwene, avhantu vhe uMulungu alivhapoha vhaliivha vhansi?” UYeesu ahamwamula ahati,

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

Yohani 13:33

Mwe vhaana vhaane, kwe mbe niimwe ahavhaliilizyo hansi vhweleele. Inza vwe naavhavhuziizye avhalongozi avha Vhayuuda, niishi vhweleele nkuvhavhuuzya niimwe kuuti kwe mundondole, ileelo imwe mutanginza kwe nkusogola.

Yohani 5:4

mwe pe ahavhaliilizyo hamo uhavhizya uwa Mulungu ahinzaga nu kuvundulanya aminzi aga mwi idiimi ilyo. Umuvhinu we ataliha kwinjila mwi idiimi ilyo lwe aminzi gavundunkana, ahaponaga uvhuvhinu vhwe áali navhwo.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 7:34

Kwe mundondole, ileelo te mundole, havhili imwe mutanginza kwe nkusogola.”

Yohani 8:21

Pe uYeesu ahavhavhuuzya havhili aVhafalisaayi vhaala ahati, “Ine nkwepa. Yeenya, inga neepa imwe kwe mundondole, ileelo kwe mufwe mu vhutalamalandu vhwinyu. Imwe mutanginza kwe nkusogola.”

VaLoma 10:3

Avheene vhatálimanyile idala lye uMulungu akuvhavhaazya avhantu kuuti vhagolosu, vhahalondola idala ilyavho. Vháhaanile kuyikonzya ku vhwanalyoli uvhwa Mulungu.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.