uLuuka 13:19 - ULufingwi uLupwa

¹⁹ Vhuholiine ni mbeyu iya haladaali ye nyinsi kuluusya imbeyu zyonti ye umuntu ávhwaye mu shilimbika shaakwe. Imbeyu iyo yihamela, lihavha likwi, ni nyunyi zihatenjela mu nsamba zyakwe.”

Tesitamenti Umupwa 1965

¹⁹ Vwe vuli fwe hasanga ha muzimwa hʼumuntu ahasenda, ahapesa mumugunda wakwe, hahamela, hahayipelʼikwʼipiti, Zyope ninyunyi zya kumwanya zihatengʼiṿisanzo munsamba zyakwe.

uLuuka 13:19 ပူးပေါင်းရင်းမြစ်များ

Matayi 17:20

Uweene ahavhaamula ahati, “Mwaaposiitwe, mwe pe ulwitiho lwinyu lunsi. Nalyoli nkuvhavhuuzya kuuti, inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya igamba ili kuuti, ‘Kumpuuha ipa, usogole paala,’ lyope lingakumpuha. Naashimo she shilivhapoota imwe.

Maliko 4:30

UYeesu ahajendeelela kuyanga ahati, “Uvhumwene uvhwa Mulungu tuvhuholanye ni shooni? Shiholanyo vhuli she tuvhuvhiishile?

uLuuka 17:6

Woope ahavhaamula ahati, “Inga mwaamile nu lwitiho ulunsi inza imbeyu iya haladaali ye nyinsi kuluusya imbeyu zyonti, mungalivhuuzya ituvhu ili kuuti, ‘Kumpuuha uvhale uyivhwale mwa sumbi,’ lyope lingavhashindiha!”

iMbombo izya Vhatumwa 2:41

Avhantu avhinji vhahagiitiha amazwi gaakwe isiku liila, vhahoozelwa, vhahonjela avhantu vhe vháfishiiye 3,000 ishi.

iMbombo izya Vhatumwa 21:20

Lwe vhiivwa izyo, vhahamutiima uMulungu. Vhahamuvhuuzya uPaavhuli vhahati, “Wamwitu, waalola amashumi na mashumi aga Vhayuuda vhe vhamwitisile uYeesu. Vhonti ivho, vhali nu mute kuzilandata indajizyo izya Moose.

iMbombo izya Vhatumwa 4:4

Ileelo avhinji muli ivho vhe vhívuuye izwi ilya Mulungu, vhítisile. Pe uvhwinji vhwavho vhe vhámwitisile uYeesu, wuhafishila avhanaavuli vheeka 5,000 ishi.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”