uLuuka 12:32 - ULufingwi uLupwa

³² “Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

Tesitamenti Umupwa 1965

³² Kwe ndali nkutetema lelo we hadimilo hansʼiwe, shʼuSo akumbusilʼukuvapʼuvumwene imwe.

uLuuka 12:32 ပူးပေါင်းရင်းမြစ်များ

Matayi 14:27

Ileelo uYeesu ahavhavhuuzya ahati, “Mutogopaje! Gomaaji umwoyo! Neene.”

Matayi 20:16

Vwe ziliivha, avhantu vhe vhatakushindikwa ahavhaliilizyo iha, vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

uLuuka 10:21

Ahavhaliilizyo hanaaho, uMupepo uMufinjile ahaamupa uYeesu kuseshela nkaani, ahati, “We Taata, MWENE wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu vhe vhakuyiisya inza avhaana avhansi. Nalyoli Taata, isho vwe usungwilwe.”

Yohani 18:36

UYeesu ahamwamula ahati, “Uvhumwene vhwane te vhwa mu nsi umu. Inga vhuvhanje vhwa mu nsi umu, avhavhomvi vhaane, nkandi vhandwiliiye, inga ntahaalemwe na Vhayuuda. Ileelo uvhumwene vhwane te vhwa mu nsi umu.”

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 20:29

Imanyile kuuti lwe neepa, avhasambiilizi avha ilenga vhe vhahali inza impumpi vhaliyinza kuli imwe, te vhahayifwile uvhwila impuga.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 VaTesaloniki 1:5

Izyo zyonti zikulolesya kuuti, uvhulonzi uvhwa Mulungu vhugolosu. Ku vhulonzi uvhwo, imwe mulihondela kwinjila mu vhumwene vhwakwe vhwe imwe mukuyimbila.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.

Ishitushizya 1:6

Uweene we ahatwinjizya mu vhumwene vhwakwe nu kutuvhiiha tuvhe swe vhapuuti vha Mulungu, uTaata waakwe. Uvhushindamu na maha vivhe nu weene shiima shiima! Amina!

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.