uLuuka 12:30 - ULufingwi uLupwa

³⁰ Nkuvhavhuuzya isho, mwe pe avhantu vhe vhatamumanyile uMulungu vhakulondola nkaani ivintu vwonti ivwo, ileelo imwe uTaata wiitu amanyile kuuti mukuvwanza!

Tesitamenti Umupwa 1965

³⁰ She kuṿwonti ṿiniṿi kwe vakuyikungula ve vakunzi ava munsʼumu. She mwenemwe uSo aṿimanyile nzila ṿwontʼiṿwa kuti muve naṿwo.

uLuuka 12:30 ပူးပေါင်းရင်းမြစ်များ

Matayi 10:20

Nkuyanga vhwevhulo, mwe pe te mwemwe muliyangaga, nkandi uMupepo uwa Taata wiitu uMulungu we aliyangaga kutuushila muli imwe.

Matayi 18:14

Vhwevhulo, woope uTaata wiitu uwa ku mwanya atakwanza kuuti wumo mu vhansi ivha ateeje.”

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Matayi 6:1

“Yeenya, mutavhombaje inyinza pilongolela ilya vhantu, inga vhavhalole, mwe pe inga mukuvhomba vhwevhulo, te muhaposheele ishipeelwa kufuma kwa Taata wiitu uwa ku mwanya.

Matayi 6:32

Nkuvhavhuuzya isho, mwe pe vhe te Vhayuuda vhakulondola nkaani ivintu vwonti ivwo, ileelo imwe uTaata wiitu uwa ku mwanya amanyile kuuti mukuvwanza.

Matayi 6:8

Mutalaavhaje inza vwe avheene vhakulaavha, mwe pe uTaata wiitu amanyile vwe musovheliilwe, poosye she mushiili kumulaavha.

uLuuka 12:29

“Pe ishi, mutayitamwaje kuuti kwe mulye ishooni, poosye kuuti kwe mumwele ishooni, havhili muleshe kuvha na maganigani.

uLuuka 12:31

Imwe muvhulondole uvhumwene uvhwa Mulungu, pe ivwo vwonti mulipeelwa.

uLuuka 12:32

“Mutogopaje, imwe mwe muli impuga inyinsi, mwe pe uTaata wiitu uwa ku mwanya asungwilwe kuuvhapa uvhumwene vhwakwe.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.