uLuuka 12:19 - ULufingwi uLupwa

¹⁹ Ipo pe ndivhuvhuuzya umwoyo waane ndiiti, “Ishi uli ni vintu ivwinji ivwinza vwe kuuti vilimushe amaaha aminji. Pe ishi, tuzyaga nu kulya nu kumwela nu kuseshela.”’

Tesitamenti Umupwa 1965

¹⁹ pe ndiyanga kumwoyo wane nditi: We mwoyo wane, uli naṿwo lelo iṿwa kulimuhʼamahʼaminji. Vanga, tendamaga lelo, ulyanje, ungʼwelaje, uzevelaje.

uLuuka 12:19 ပူးပေါင်းရင်းမြစ်များ

uLuuka 12:18

Pe ahati, ‘Kwe nti: Kwe imongole ivwanga vwane, nu kuzenga inkoma impiti nkaani. Umwo mwe kuuti nsengule iviyavho vwane vwonti ni vintu vwane ivinji.

uLuuka 16:19

“Kwáli udumbwe wumo, we ahazwalaga amenda aminza aga nsavho impiti aga muhoola uwa mafwomfwo. Insiku zyonti, ahalyanga ishaakulya isha nsavho impiti.

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

1 VaKolinti 15:32

Inga kutaliipo kuzyuha, náali na lilonka vhuli kulwa na vhaala avha ku Hefeeso, vhe vhali inza ivihanu ivihali? Inga kutaliipo kuzyuha, pe “tulyanje nu kumwela, mwe pe indaavhi tukufwa.”

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

1 Timoti 5:6

Ileelo umuziishe we akunyonywa izya mu nsi, uweene akuvha afuuye, poosye she mupuuma.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

Yakobu 5:5

Mu vhulanzi vhwinyu mwe vhantu vhe vhakuyihondezya nu kuvhomba izya mpapilo zyinyu. Ishi mupalamiiye kulongwa. Muli inza ivisugwa vwe vwinile, inga vivhoolwe.

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.

Ishitushizya 18:7

Mumuyimvwe nu kumuvhavwa kufumiilana nu kuyitumvwa kwakwe, kufumiilana ni mpapilo zyakwe. Akuyitumvwa mu mwoyo waakwe kuuti, ‘Ine nkutendama pa shitengo shaane nu kukonzya fwe ne samwene. Ine te ne muziishe, havhili ntaliswimiililwa naalumo!’