uLuuka 11:41 - ULufingwi uLupwa

⁴¹ Muvhavwaje avhapiina ku mwoyo wonti, pe vwonti kuuti vizelupe kuli imwe.

Tesitamenti Umupwa 1965

⁴¹ Ywenga yili muhati, ṿwe fwane muvapanjʼavantu ṿivanje ṿwa shikuku, pe ṿwonti ṿikuva ṿizelu kulʼimwe.

uLuuka 11:41 ပူးပေါင်းရင်းမြစ်များ

Matayi 26:11

Yeenya, avhapiina muli navho insiku zyonti, ileelo ine te mbe niimwe ahavhaliilizyo honti.

Matayi 5:42

Havhili, inga umuntu wonti akulaavha shimo ku kwaho, umupanje. Poosye, inga umuntu akwanza kuuti umupavhile, utahaanaje.”

Maliko 7:19

Yeenya, shitakumwinjila mu mwoyo, shikumwinjila mu lwanda, nu kusogola ku shikwilo.” Kuyanga vhwevhulo ahavhitishila ivwakulya vwonti.

uLuuka 12:33

Mukazye ivintu vwinyu, muuvhape avhapiina impiiya. Kuvhomba isho kwe kusengula vwenevwo mu nkoma iya ku mwanya ye yitakupunguha, ukwene inkoma zitakulala. Havhili ataliipo umwivha we akupalamila kwivha poosye uluswa, lwe lukunanganya.

uLuuka 16:9

Ishi ine nkuvhavhuuzya kuuti, muvhavwaje avhamwinyu ni vwuma vwinyu ivwa mu nsi umu, inga lwe vwasila, muhaposheelwe mu vhuyo uvhwa shiima shiima.

uLuuka 18:22

UYeesu lwe ayiivwa izyo, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

uLuuka 19:8

Ileelo uZakaayo ahimiilila, ahamuvhuuzya uMwene uYeesu ahati, “We Mwene! Ishi, ivintu vwane kuuti mvigavhanye pahati, vimo kuuti mbape avhapiina. Ileelo umuntu we imufwuye ishintu shonti ku vhwivha, kuuti imugalusizye lune ku viila vwe imufwuye.”

iMbombo izya Vhatumwa 10:15

Pe izwi ilyo lihamuvhuuzya havhili uPeeteli lihati, “Ivintu vwonti vwe uMulungu avizelufwizye, iwe utatinji vikuhombezya.”

iMbombo izya Vhatumwa 11:29

Kufumiilana niizyo, avhalandati avha Yeesu vhahitinkana kuuti, vhonti vhafumwe ivintu, kufumiilana na viila vwe vhali navwo, inga vhavhaavwe avhamwavho avha ku Yudeeya.

iMbombo izya Vhatumwa 24:17

“Néefile amaaha aminji, ishi naagalusile ku Yelusaleemu, inga mbaleetele ivwa kuvhaavwa avhantu avha mu nsi yiitu vhe vhasovheliilwe, nu kufumwa impuutile kwa Mulungu.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

VaEfeso 4:28

Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

uTiiti 1:15

Ivho vhakusambiilizya kuuti viliipo ivintu vwe vihandamanu. Ileelo ku vhantu vhe amooyo gaavho mazelu, ivintu vwonti vizelu. Ku vhantu vhe vhahandamanu havhili vhe vhatakumwitiha uYeesu Chilisiti, ivintu vwonti ku kwavho vihandamanu. Ivho injeele zyavho na mooyo gaavho mahandamanu.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.