uLuuka 11:39 - ULufingwi uLupwa

³⁹ Pe uMwene uYeesu ahamuvhuuzya ahati, “Imwe mwe Vhafalisaayi mukuyivhiiha mwe vhagolosu pilongolela ilya vhantu, ileelo muhati zyinyu mwizuuye uvhupumula vintu nu vhuvhiivhi. Isho she shooka nu kwozya ulupindi nu luvhiga munzi vhweleele.

Tesitamenti Umupwa 1965

³⁹ Pʼuwenʼahamuvuzya ahati: Imwe mwe vaFalisayi mukwozya nishikombe nimbakuli kunzi, nkandi muhati mumwinyu vwe vupumaṿintu vutupu, vwe vunyala vutupu vwizuye mumwo.

uLuuka 11:39 ပူးပေါင်းရင်းမြစ်များ

Matayi 15:19

Nkuyanga vhwevhulo, mwe pe mu mwoyo uwa muntu, mwe mukufuma insiivho imbiivhi nu vhugozi nu vhuvhembu nu vhulugusu nu vhwivha nu vhwahoome uvhwa ilenga ni ndigo.

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

uLuuka 7:13

UMwene uYeesu lwe amulola umuziishe uyo, ahamufwila uvhwila, ahamuvhuuzya ahati, “Puuma, utakuutaje.”

uLuuka 7:19

Pe uYoohani ahavhiita vhavhili mu vhasundikwa vhaakwe, ahavhasonteelezya kwa Mwene uYeesu kuvhuziilizya kuuti, “Vhuli, iwe we we Chilisiti we avhakuvhwi vhátili aliyinza, pamo tuguliilile uwunji?”

Yohani 12:6

UYuuda áyanzile vhwevhulo, te kuuti, mwe pe ahavhafwilaga uvhwila avhapiina, nkandi, mwe pe áamile mwivha. Uweene we ahasengulaga imfuuku iya mpiiya, ahiivhaga impiiya mu mfuuku iyo nu kuzivhombela wuuyo weeka.

Yohani 13:2

UYeesu na vhasundikwa vhaakwe vhahatendama kulya ishaakulya isha hamazuuvha. Ahavhaliilizyo iho uMukwalanzi ápezile ayinjila mu mwoyo uwa Yuuda umwana wa Siimoni uwa ku Kaalyoti, inga amwaniile uYeesu.

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

VaGalati 1:14

Nalyoli návhapoosite avhamwitu avhinji vhe twákuzile pooka navho, kulwila shipuuto shiitu isha Vhuyuuda. Nákanyiiye nkaani kugalema amaata aga vhataata vhiitu.

2 Timoti 3:5

Vhaliloleha ngati vhali nu lujendo ulwinza pilongolela ilya Mulungu, ileelo mu vhulanzi vhwavho vhakuhaana amaha gaakwe. Avhantu ivho uyefwaje navho.

uTiiti 1:15

Ivho vhakusambiilizya kuuti viliipo ivintu vwe vihandamanu. Ileelo ku vhantu vhe amooyo gaavho mazelu, ivintu vwonti vizelu. Ku vhantu vhe vhahandamanu havhili vhe vhatakumwitiha uYeesu Chilisiti, ivintu vwonti ku kwavho vihandamanu. Ivho injeele zyavho na mooyo gaavho mahandamanu.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!