uLuuka 11:13 - ULufingwi uLupwa

¹³ Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

Tesitamenti Umupwa 1965

¹³ Apene lelo inga namwenemwe, mwe vanyala vwelele, ingʼavana vinyu mukuvapʼiṿwa kuvapʼi-ṿwinza, pʼuSo wa kumwanya asite ukupitilizyʼukuvapʼuMupepʼuMufinjile vuvo, venga vakulava kukwakwe?

uLuuka 11:13 ပူးပေါင်းရင်းမြစ်များ

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Matayi 5:45

Ipo pe muliivha mwe vhaana vha Taata wiitu uwa ku mwanya. Uweene akuvhalamwizya izuvha avhantu avhavhiivhi na vhinza. Havhili, akuuvhapa imvula avhagolosu na vhe te vhagolosu.

Matayi 6:14

UYeesu ahayanga havhili ahati, “Inga mukuvhaswila avhamwinyu uvhupuvi vhwavho, woope uTaata wiitu uwa ku mwanya alivhaswila uvhupuvi vhwinyu.

Matayi 6:30

Ishi inga uMulungu akugazwalizya amatundu aga mwi ilaala inza isho, poosye she gakuhondela ku havhaliilizyo hansi vhweleele, indaavhi gakusumbwa mu mwoto, vhuli, atangavhazwalizya ahinza nkaani imwe? Mukusukumizya ku lwitiho lwinyu ulunsi.

Matayi 6:32

Nkuvhavhuuzya isho, mwe pe vhe te Vhayuuda vhakulondola nkaani ivintu vwonti ivwo, ileelo imwe uTaata wiitu uwa ku mwanya amanyile kuuti mukuvwanza.

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

uLuuka 11:12

Poosye inga amulaavha iji, angaamupa inkoonya?

uLuuka 11:2

UYeesu ahavhavhuuzya ahati, “Lwe mukumulaavha uMulungu, mutinji: Taata wiitu uwa ku mwanya, izina lyaho lishindikwaje. Uvhumwene vhwaho vhwinze. Zye ukasiime, zivhombeshe mu nsi umu, inza vwe zikuvhombeha ku mwanya ukwo.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

VaLoma 5:17

Uvhutalamalandu uvhwa muntu wooka, vhwávhiisile uvhufwe vhuvhakonzye avhantu vhonti. Ileelo nalyoli vhaala vhe vhakuposheela uvhwila vhwe vhutali ni shipimilo kufuma kwa Mulungu nu kuvhaazilwa kuuti vhagolosu, vhalikonzya, mwe pe vhaliivha nu vhulanzi uvhwa shiima kwi idala ilya ziila zye ávhomvile umuntu uwamwavho, uYeesu Chilisiti.

VaLoma 7:18

Imanyile kuuti muhati yaane, kwe kuuti mu vhuntu vhwane uvhwa vhutalamalandu mutali ishintu ishinza naashimo. Yeenya, nkwanza kuvhomba inyinza, ileelo yitakuvha vhwevhulo.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.