uLuuka 10:41 - ULufingwi uLupwa

⁴¹ UMwene uYeesu ahamwamula ahati, “Maalita, shooni she ukupwunga nu kuyimba ni nyinji?

Tesitamenti Umupwa 1965

⁴¹ UwenʼuMwene ahamula ahati: Malita, Malita, nyinjʼiwe zyʼukukutana, zye zikukupulinsya.

uLuuka 10:41 ပူးပေါင်းရင်းမြစ်များ

Maliko 4:19

Ileelo imbombo izya mu nsi, nu luhopenkanyo ulwa vwuma nu lupapilo ulwa vintu ivwinji, vikulibuda izwi, lyope litakupaapa.

uLuuka 10:38

UYeesu na vhasundikwa vhaakwe lwe vhali mwi idala kusogola ku Yelusaleemu, vhahafiha mu lutala lumo. Umwo umwantanda wumo, we vhahatinji uMaalita, ahamukalibisya uYeesu mu nyumba yaakwe.

uLuuka 10:40

Ileelo uMaalita ahapwungaga ni mbombo inyinji izya kumutetela uYeesu. Pe ahamuvhuuzya uYeesu ahati, “We Mwene, utakulola kuuti havhiivhi lwe umunine waane andesheeye imbombo zyonti neeka? Muvhuuzye anaavwe!”

uLuuka 12:22

Pe uYeesu ahavhavhuuzya avhasundikwa vhaakwe ahati, “Ishi, nkuvhavhuuzya kuuti, mutayitamwaje ni zya vhulanzi vhwinyu kuuti kwe mulye ishooni, poosye ni zya mavhili giinyu kuuti kwe muzwale ishooni.

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

uLuuka 8:14

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa amantonongwa.

Yohani 11:1

Kwáli umuntu wumo we izina lyakwe vhahatinji uLaazalo. ULaazalo áamile muvhinu. Umuntu uyo ahatendamaga mu lutala ulwa Besaniya pooka na vhanine avhalindu avha Maliiya nu Maalita.

Yohani 11:5

UYeesu ámukunzite nkaani uMaalita na vhanine vhaakwe uMaliiya nu Laazalo.

Yohani 12:2

Pe avhantu vhamo avha paala vhahamusenganizanya uYeesu ishaakulya isha hamazuuvha. UMaalita we ahamuvhombelaga. ULaazalo áamile wooka mu vhajeni vhe vhátendiime pa meeza pooka nu Yeesu.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.