uLuuka 10:22 - ULufingwi uLupwa

²² Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

Tesitamenti Umupwa 1965

²² YwontʼampiyʼinʼuTata. Umwana numʼumuntu atakumumanya, weka we Yise wʼamumanyile, nuYise numʼumuntu atamumanyile, weka we Mwana wʼamumanyile, nuno wengʼuMwana atili imukupulile.

uLuuka 10:22 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 10:15

Inza vwe uTaata amanyile ine, niine imumanyile uweene. Ine nkuyifumwa kufwa kuzipoha ingʼonzi zyane.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 17:10

Avhantu vhonti vhe vhaane, niiwe vhaaho, havhili avhantu vhonti vhe vhaaho, niine vhaane. Uvhushindamu vhwane vhulolesile ku vhantu kutuushila ku kwavho.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 3:35

UTaata uMulungu amukunzite uMwana waakwe, havhili amupiiye amaha aga kukonzya ivintu vwonti.

1 VaKolinti 15:24

Ipo pe vhuliyinza uvhusililishilo uvhwa vwonti, ahavhaliilizyo he uChilisiti aliimupa uTaata uMulungu uvhumwene vhwakwe, lwe uChilisiti aalovwa uvhulongozi vhwonti na maha gonti nu vhupiti vhwonti.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaEfeso 1:21

Ishi uChilisiti ali na maha amasisya kuluusya ivipelwa vwonti vwe vili nu vhupiti, poosye amaha, poosye uvhumwene, poosye vwe vikukonzya. Te kuuti ali na maha amasisya ku havhaliilizyo hanaaha vhweleele, ali na maha amasisya poosye na ku havhaliilizyo he hakwinza.

VaHebuli 2:8

nu kumuvhiiha kuuti avikonzyaje ivintu vwonti.” Kuli izyo, uMulungu ámuvhiisile umuntu kuuti avikonzyaje ivintu vwonti. Shitáliipo ishintu naashimo she umuntu atahashikonzyaga. Ileelo ahavhaliilizyo iha tutakumulola umuntu, lwe akuvikonzya ivintu vwonti ivwo.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.