uLuuka 10:17 - ULufingwi uLupwa

¹⁷ Pisinda, avhasundikwa avha Yeesu 72 vhahagaluha kwa Yeesu uku vhakuseshela, vhahamuvhuuzya vhahati, “We Mwene, zyope impepo inkandamanu zyatushindihaga, lwe tukuzishimbizya kwi izina lyaho!”

Tesitamenti Umupwa 1965

¹⁷ Ilelʼava amashumi gasano nagavili vahavwela, vahaseshela, vahamuvuzya vahati: Mwene, Zyope nazye mpepʼimbivi zihakonza kulʼiswe mwizina lyaho.

uLuuka 10:17 ပူးပေါင်းရင်းမြစ်များ

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Maliko 16:17

Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

uLuuka 10:1

Pisinda, uMwene uYeesu ahasevha avhasundikwa avhamwavho 72. Ahavhasonteelezya vhavhili vhavhili, inga vhalongolele mu nkaaya na mu mbazu zyonti mwe ahasiivhaga kusogola.

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

uLuuka 9:1

UYeesu ahavhiita avhasundikwa vhaakwe 12, ahaavhapa amaha amasisya na maha aga kushimbizya impepo inkandamanu zyonti nu kuponia amavhinu.

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

VaEfeso 5:24

Pe ishi, mwe vhantanda mukwanzilwa muvhashindihaje avhalume vhiinyu mu zyonti, inza vwe ishivhanza shikumushindiha uChilisiti.