uLuuka 1:78 - ULufingwi uLupwa

⁷⁸ mwe pe uMulungu wiitu ali nu vhwila nkaani ku kwitu. Ku vhwila uvhwo, uvhuzelu kufuma ku mwanya vhulituhozezya,

Tesitamenti Umupwa 1965

⁷⁸ shʼatupepelezizyʼulupepelezyo uMulungu witu, lulwo lwʼajenzite mumwo ukwinza kumwitu uMufumakumwanya,

uLuuka 1:78 ပူးပေါင်းရင်းမြစ်များ

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 2:1

UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

2 Peteli 1:19

Havhili amazwi aga vhakuvhwi gakuhomeshezya inongwa izyo, niimwe mukuvhomba ahinza inga mukugalema. Amazwi igo gali inza inyaale ye yikuhozya mu shiisi, kufishila lwe kwasha. Kwe kuuti uChilisiti akuvhahozya mu mooyo giinyu inza uluzota ulwa nzanshi.

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?

Ishitushizya 22:16

“Ine ne Yeesu, imusonteleziizye uhavhizya waane kuvhahomeshezya imwe inongwa izi kuzya vivhanza. Ine ne lizi, havhili ne wa mu mpaapo izya mwene uDaavhudi, uluzota luula lwe lukulama nkaani inzanshi.”