uLuuka 1:76 - ULufingwi uLupwa

⁷⁶ Ishi iwe mwana waane, kwe vhakwitaje kuuti umukuvhwi uwa Mulungu uMupiti uwa ku Mwanya. Kwe vhakwitaje vhwevhulo, mwe pe kuuti umulongolele uMwene uYeesu, inga umupelele uweene idala.

Tesitamenti Umupwa 1965

⁷⁶ Nawe we mwanʼiwe, ulitashilwʼukuva we mukuvwi wa Mulusyi, shʼulilongolela kwilongolela kukwakwe ukuyananizyʼidala lyakwe.

uLuuka 1:76 ပူးပေါင်းရင်းမြစ်များ

Matayi 14:5

Pe uHeelodi ahanza kumugoga uYoohani, ileelo ahoogopa ivhungaana ilya vhantu, mwe pe vhámwitisile kuuti mukuvhwi.

Matayi 21:26

Poosye inga twati gáfumile ku vhantu, tukwogopa ivhungaana ili ilya vhantu, mwe pe avhantu vhonti vhamanyile kuuti uYoohani áamile mukuvhwi.”

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Matayi 3:3

UYoohani uyo we umukuvhwi uYisaayi ámuyanzile átili, “Izwi ilya muntu we akuvhila imbila mu luugwa likwivwiha kuuti, ‘Musenganizanyi uMWENE uMulungu idala, nu kugolosya mwe kuuti atuushe.’”

Maliko 11:32

Poosye inga twati gáfumile ku vhantu, avhantu kwe vhaviitwe.” Vhahoogopa, mwe pe avhantu vhonti vhámanyile kuuti uYoohani áamile mukuvhwi uwa nalyoli.

uLuuka 1:32

Umwana uyo aliivha mupiti, havhili izina lyakwe vhalitinji Mwana wa Mulungu uMupiti uwa ku Mwanya. UMWENE uMulungu aliimupa amaha aga vhumwene, inza vwe áamile utaata waakwe umwene uDaavhudi.

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

Yohani 1:23

UYoohani ahavhaamula kulandatana na mazwi ge áyanzile umukuvhwi uYisaayi ahati, “Ine ne lizwi lya muntu we akuvhila imbila mu luugwa akuti, ‘Musenganizanyi uMWENE uMulungu idala!’”

Yohani 1:27

Uyo we akwinza mwisinda lyane, havhili ine ntahondeeye poosye kuvha ne muvhomvi waakwe uwa kuzevwa nu kusatula inkusa izya vilyatu vwakwe.”

Yohani 3:28

Imwe mweneemwe mwe vhahoome vhaane, ku zye nkuyanga kuuti, ‘Ine te ne Chilisiti,’ uMulungu ánsonteleziizye, inga ndongolele pilongolela lyakwe.

iMbombo izya Vhatumwa 16:17

Uweene ahanda kuvhalandata avha Paavhuli niiswe, ahahoolaga kwi izwi ipiti ahatinji, “Avhantu ivha vhavhomvi avha Mulungu uMupiti uwa ku Mwanya, vhakuvhalumbiilila imwe idala ilya vhuposhi!”