uLuuka 1:11 - ULufingwi uLupwa

¹¹ Pe uhavhizya uwa MWENE uMulungu ahamufumila uZakaliya. Uhavhizya uyo, áyimiliiye uluvhazu ulwa kundiilo ulwa shifinjilo isho.

Tesitamenti Umupwa 1965

¹¹ Pʼahitushilʼuhavizya wa Mwene, ahaga ayimiliye kushifinjilo sha kusushizya pupo kumuhonʼumulilo.

uLuuka 1:11 ပူးပေါင်းရင်းမြစ်များ

uLuuka 1:19

Pe uhavhizya ahamwamula ahati, “Ine ne Gabiliyeeli, nkwimiilila pilongolela ilya Mulungu. Uweene we ansonteleziizye kuuti nkuvhuuzye iwe inongwa inyinza izi.

uLuuka 1:28

Uhavhizya lwe aafiha kwa Maliiya ahati, “Mwakaata iwe we ulosiitwe nkaani, uMWENE uMulungu ali niiwe.”

uLuuka 2:10

Ileelo uhavhizya ahavhavhuuzya ahati, “Mutogopaje! Mbaleteeye inongwa inyinza zye kuuti ziivhape avhantu vhonti uluseshelo ulupiti.

uLuuka 2:9

Naluvhiilo uhavhizya uwa MWENE uMulungu ahavhaloleshela. Uvhuzelu uvhuhali kufuma kwa MWENE vhuhavhahozya imbazu zyonti, pe vhahoogopa nkaani.

iMbombo izya Vhatumwa 5:19

Ileelo uvhusiku vhuula uhavhizya uwa MWENE uMulungu ahinza, ahiigula amalyango aga mu jeela, ahavhafumwa panzi, ahavhavhuuzya ahati,

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

Ishitushizya 9:13

Pe uhavhizya uwa 6 ahahoma isaji lyakwe, nkiivwa izwi lyoka lye lyáfumile mu vipembe viila vine ivwa shifinjilo isha sahaabu she shili pilongolela ilya Mulungu.