Matayi 9:35 - ULufingwi uLupwa

³⁵ UYeesu ahazyunguulaga mu nkaaya zyonti na mu ntala zyonti. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Tesitamenti Umupwa 1965

³⁵ PʼuYesu ahazyungula, ahamalʼinkaya zyonti nutuhaya twonti, ahasambilizya mumasinagogi gavo ahakumusyʼintumʼinyinza ya vumwene; ahakantulʼuvupotwe nuvuvinu vwonti vwa vantu.

Matayi 9:35 ပူးပေါင်းရင်းမြစ်များ

Matayi 10:1

Pisinda, uYeesu ahavhiita avhasundikwa vhaakwe 12, ahaavhapa amaha aga kushimbizya impepo inkandamanu nu kuponia amavhinu gonti nu vhuyeyevhazu uvhwa mavhiila mu mavhiila.

Matayi 11:1

Lwe uYeesu aamala kuvhalajizya avhasundikwa vhaakwe 12, aheepa paala. Ahasogola kukumusya nu kuvhasambiilizya avhantu izwi ilya Mulungu mu nkaaya izya mu Galilaaya.

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Maliko 1:14

Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

Maliko 6:56

Kwonti kwe ahasogolaga mu nkaaya, mu ntala na mu magunda vhahavhavhiihaga avhavhinu mu nsokooni. Vhahamulambiilizya uYeesu kuuti avhavhinu vhaleme poosye lye likoopi ilya mwenda waakwe vhweleele. Pe avhavhinu vhonti vhe vhálemile, vhahapona.

Maliko 6:6

Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

uLuuka 13:22

UYeesu ahajendeelela nu vhulendo vhwakwe kusogola ku Yelusaleemu. Ahatuuhaga mu nkaaya na mu ntala kuvhalumbiilila avhantu.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.