Matayi 9:28 - ULufingwi uLupwa

²⁸ Pe uYeesu ahinjila mu nyumba, vhoope avhantonko ivho vhahasogola mwemuula. Pe ahavhavhuziilizya ahati, “Vhuli, mukwitiha kuuti ingavhaponia?” Vhahamwamula vhahati, “Eena Mwene! Tukwitiha.”

Tesitamenti Umupwa 1965

²⁸ Ilelo lwʼayinjiye munyumba, pe vahapalamila kukwakwe avantonko vanava. PʼuYesu ahavavuzilizya ahati: Muli nulwitiho ukuti ndi namaha ukuvomba zinizi? Avene vahamuvuzya ahati: Ena, Mwene.

Matayi 9:28 ပူးပေါင်းရင်းမြစ်များ

Matayi 13:1

Isiku lyeliila, uYeesu ahafuma mu nyumba yiila, ahasogola ahatendama pa luvhazu pa sumbi.

Matayi 13:36

Pe uYeesu ahalilaga ivhungaana ilya vhantu, ahinjila mu nyumba. Avhasundikwa vhaakwe vhahinza, vhahayanga vhahati, “Tulondovholele ishiholanyo isha ndezye zye zyámile mu mugunda.”

Matayi 13:58

UYeesu atávhomvile amafindango aminji ukwo, mwe pe avhantu ivho vhatámwitisile.

Matayi 8:14

Lwe uYeesu ayinjila mu nyumba iya Peeteli, ahaaga unyinavwala uwa Peeteli akaasite pa shitala, ali ni nzegema.

Matayi 8:2

Pe umuntu wumo uwa mambombo ahinza nu kusugamila pilongolela ilya Yeesu, ahamuvhuuzya ahati, “We Mwene, imanyile kuuti uli na maha aga kunzelufwa. Inga ukwanza, nkulaavha unzelufwe.”

Matayi 9:22

Lwe amupalamansya, uYeesu ahagalunkana kwisinda. Pe lwe amulola umwantanda uyo, ahamuvhuuzya ahati, “We mwana waane, gomaaga umwoyo! Waapona, mwe pe waniitiha!” Naluvhiilo, umwantanda uyo ahapona.

Matayi 9:27

Pisinda, lwe uYeesu ayeepa paala, avhantonko vhavhili vhahamulandata, vhahavhilishila ku maha vhahati, “We Mwana wa Daavhudi, utufwile uvhwila!”

Matayi 9:29

Pe uYeesu ahavhalema aminso gaavho, ahavhavhuuzya ahati, “Zivhombeshe kuli imwe inza vwe ulwitiho lwinyu luli.”

Yohani 11:26

Woope we mulanzi, havhili akuniitiha ine, te ahaafwe naalumo. Vhuli, ukuzyitiha izyo?”

Yohani 11:40

UYeesu ahamwamula uMaalita ahati, “Ine nkuvhuziizye kuuti inga ukwitiha, kwe uvhulole uvhushindamu uvhwa Mulungu vwe vhuli.”

iMbombo izya Vhatumwa 14:9

Lwe uPaavhuli akulumbiilila, umuntu uyo woope átendiime pepaala ahamutejelezyaga. UPaavhuli ahamutontomela, ahalola kuuti umuntu uyo ali nu lwitiho ulwa kupona.