Matayi 9:22 - ULufingwi uLupwa

²² Lwe amupalamansya, uYeesu ahagalunkana kwisinda. Pe lwe amulola umwantanda uyo, ahamuvhuuzya ahati, “We mwana waane, gomaaga umwoyo! Waapona, mwe pe waniitiha!” Naluvhiilo, umwantanda uyo ahapona.

Tesitamenti Umupwa 1965

²² UwenʼuYesu ahasyetuha ahamwenya ahati: Jimbaga we mwana wanʼiwe, lukuzuzuvushizizyʼulwitiho lwaho. Pʼumwantanda ahazuzuvuha pahavalilizyo hanaha.

Matayi 9:22 ပူးပေါင်းရင်းမြစ်များ

Matayi 15:28

UYeesu ahamwamula ahati, “We mwantanda weewe! Uli nu lwitiho ulupiti nkaani! Yivhombeshe kuli iwe inza vwe ukwanza.” Ahavhaliilizyo hanaaho, umulindu ula ahapona.

Matayi 17:18

Lwe vhamuleeta, uYeesu ahayipilila impepo inkandamanu ye yáamile muhati yaakwe, yoope yihafuma. Panaapo umulumendo uyo ahapona.

Matayi 8:13

Pe uYeesu ahamuvhuuzya umupiti uyo ahati, “Sogolaaga! Yivhe inza vwe ulwitiho lwaho luli.” Pe umuvhomvi waakwe ahapona ahavhaliilizyo hehaala.

Matayi 9:2

Pe avhantu vhamo vhahamuleeta umuvhinu we áhataliiye kwa Yeesu, she vhamukasiizye pi izagala. Lwe uYeesu aalola ulwitiho lwavho, ahamuvhuuzya we áhataliiye uyo ahati, “We mwana waane, gomaaga umwoyo! Nakuswila uvhutalamalandu vhwaho.”

Matayi 9:29

Pe uYeesu ahavhalema aminso gaavho, ahavhavhuuzya ahati, “Zivhombeshe kuli imwe inza vwe ulwitiho lwinyu luli.”

Maliko 10:52

UYeesu ahamuvhuuzya ahati, “Sogolaaga, waapona, mwe pe waniitiha.” Ahavhaliilizyo hanaaho untonko uyo ahataliha kulola havhili, pe ahataliha kumulandata uYeesu mwi idala.

Maliko 5:34

UYeesu ahamuvhuuzya ahati, “We mwana waane, waapona, mwe pe waniitiha, sogolaaga, uMulungu akuteteesye, utahaavhine havhili.”

uLuuka 17:19

Pe uYeesu ahamuvhuuzya ahati, “Yimiliila, sogolaaga, waapona, mwe pe waniitiha!”

uLuuka 18:42

UYeesu ahamuvhuuzya ahati, “Ishi utalishe kulola havhili! Waapona, mwe pe waniitiha.”

uLuuka 7:50

Pe uYeesu ahamuvhuuzya umwantanda uyo ahati, “Waapokwa, mwe pe waniitiha, sogolaaga, uMulungu akuteteesye.”

uLuuka 8:48

UYeesu ahamuvhuuzya ahati, “We mwana waane, waapona, mwe pe waniitiha, sogolaaga, uMulungu akuteteesye!”

Yohani 4:53

Pe uyise uwa mujaaha uyo ahamanya kuuti umwana waakwe aaponile kufuma ahavhaliilizyo hehaala he uYeesu aamuvhuziizye kuuti, “Umwana waaho aponile.” Pe umulongozi uyo pooka na vha mu nyumba yaakwe, vhahamwitiha uYeesu.

iMbombo izya Vhatumwa 14:9

Lwe uPaavhuli akulumbiilila, umuntu uyo woope átendiime pepaala ahamutejelezyaga. UPaavhuli ahamutontomela, ahalola kuuti umuntu uyo ali nu lwitiho ulwa kupona.

iMbombo izya Vhatumwa 16:18

Ahavhombaga vhwevhulo insiku inyinji. Ileelo isiku limo, uPaavhuli ahaviitwa nkaani, ahamushevhela nu kuyivhuuzya impepo iyo kuuti, “Nkukulajizya kwi izina ilya Yeesu Chilisiti kuuti, fuma mwa mulindu uno!” Naluvhiilo impepo yiheepa.

VaHebuli 4:2

Yeenya, niiswe tulumbiliilwe izwi ilyinza ilya pa lutuuzyo inza vwe avhataata vhiitu vhálumbiliilwe. Ileelo avheene lwe vhiivwa, Izwi ilyo litávhavwizye naashimo, mwe pe vhatályitisile.