Matayi 9:2 - ULufingwi uLupwa

² Pe avhantu vhamo vhahamuleeta umuvhinu we áhataliiye kwa Yeesu, she vhamukasiizye pi izagala. Lwe uYeesu aalola ulwitiho lwavho, ahamuvhuuzya we áhataliiye uyo ahati, “We mwana waane, gomaaga umwoyo! Nakuswila uvhutalamalandu vhwaho.”

Tesitamenti Umupwa 1965

² Pe vahamuleta wokʼuwashulu, vahamunyatula pashitala. UwenʼuYesu lwʼawenyʼulwitiho lwavo, pʼahayanga nawʼuwashulu ahati: Jimbaga we mwana wanʼiwe, she nswiliyʼamalandu gaho.

Matayi 9:2 ပူးပေါင်းရင်းမြစ်များ

Matayi 14:27

Ileelo uYeesu ahavhavhuuzya ahati, “Mutogopaje! Gomaaji umwoyo! Neene.”

Matayi 4:24

Pe inongwa zyakwe zihakumuha nkaani mu nsi yonti iya Siiliya. Avhantu vhahavhatwalaga avhavhinu na vha ntamwo izya mavhiila mu mavhiila vhonti. Muli ivho, vháliipo avha mpepo inkandamanu na vhe vháali ni shinzilisi na vhe vháhataliiye. Woope ahavhaponiaga vhonti.

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

Matayi 8:10

Lwe uYeesu ayiivwa izyo, ahasukumila nkaani. Ahavhavhuuzya vhe vhahamulandataga ahati, “Nalyoli nkuvhavhuuzya kuuti, mu Vhaisilayeeli vhonti, ntamuvhwenyi umuntu we ali nu lwitiho ulupiti inza ulu!

Matayi 8:16

Lwe haafiha hamazuuvha, vhahamuleetela uYeesu avhantu avhinji vhe vhálemwilwe ni mpepo inkandamanu. Pe ahazyefwa impepo izyo kwi izwi lyakwe. Havhili ahavhaponia avhavhinu vhonti.

Matayi 9:22

Lwe amupalamansya, uYeesu ahagalunkana kwisinda. Pe lwe amulola umwantanda uyo, ahamuvhuuzya ahati, “We mwana waane, gomaaga umwoyo! Waapona, mwe pe waniitiha!” Naluvhiilo, umwantanda uyo ahapona.

Matayi 9:5

Ishi lili kwoshi lye lipupuusu: kumuvhuuzya umuntu uno we ahataliiye kuuti, ‘Nakuswila uvhutalamalandu vhwaho,’ pamo kuuti, ‘Yimiliila ujendaje’?

Matayi 9:6

Ileelo ishi nkwanza mumanye kuuti ne Mwana wa Aadamu indi na maha aga kuvhaswila avhantu uvhutalamalandu mu nsi.” Pe ahamuvhuuzya ula we áhataliiye ahati, “Nkukuvhuuzya kuuti, yimiliila! Nyatuula izagala lyaho, vhwelaaga kuhaaya.”

Maliko 1:32

Lwe haafiha hamazuuvha, izuvha lyaswa, avhantu avha mu nkaaya yiila vhahamuleetela uYeesu avhavhinu vhonti na vhe vhálemwilwe ni mpepo inkandamanu.

Maliko 10:49

UYeesu ahimiilila, ahati, “Mwite.” Pe vhahamwita untonko ula, vhahati, “Akukwita, gomaaga umwoyo! Vhuuha.”

Maliko 5:34

UYeesu ahamuvhuuzya ahati, “We mwana waane, waapona, mwe pe waniitiha, sogolaaga, uMulungu akuteteesye, utahaavhine havhili.”

Maliko 6:50

mwe pe vhonti vhamuvhwenyi, vhahasaaga. Pe ahavhavhuuzya ahati, “Mutogopaje! Gomaaji umwoyo! Neene.”

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 2:25

Havhili atahanzaga umuntu wonti uwa kumuvhuuzya zye avhantu vhakusiivha, mwe pe uweene ázimanyile zyonti zye zyámile mu mooyo aga vhantu.

Yohani 21:5

Pe uYeesu ahavhavhuziilizya ahati, “Mwe vhaana vhaane, muli ni nswi inga yooka?” Avheene vhahamwamula vhahati, “Naayimo.”

iMbombo izya Vhatumwa 14:9

Lwe uPaavhuli akulumbiilila, umuntu uyo woope átendiime pepaala ahamutejelezyaga. UPaavhuli ahamutontomela, ahalola kuuti umuntu uyo ali nu lwitiho ulwa kupona.

iMbombo izya Vhatumwa 19:12

Avhantu vhahanyatulaga utwenda utwa kusyumulila amatwinsi na menda aganji ge uPaavhuli ahapalamansyaga, vhahavitwalaga ku vhavhinu, vhoope vhahaponaga amavhinu gaavho, havhili vhe vháamile ni mpepo imbiivhi zihafumaga.

iMbombo izya Vhatumwa 23:11

Isiku lyeliila uvhusiku, uMwene uYeesu ahimiilila papiipi nu Paavhuli, ahamuvhuuzya ahati, “Gomaaga umwoyo! Inza vwe wamfumwizya uvhwahoome pa Yelusaleemu ipa, yikwanzilwa umfumwizye shiniisho na ku Luumi kwope.”

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

Yakobu 2:18

Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”