Matayi 9:18 - ULufingwi uLupwa

¹⁸ Lwe uYeesu akujendeelela kuyanga na vhantu vhaala, umupiti wumo ahinza, ahasugamila pilongolela lyakwe, ahamuvhuuzya ahati, “Umulindu waane aafwa shiniishi. Ileelo tujende umuvhiishile inyoovhe kuuti umuponie, woope kwe avhe mupuuma havhili.”

Tesitamenti Umupwa 1965

¹⁸ Ilelo lwʼamakuvavuzya zinizi, pe vahaga akupalamila wokʼumusambilizi wavo umupiti akumusugamilila akuti: Umwana wanʼumulindu afuye shinishi. Nzagaga tuvale lelo kukwane, uhamuvishʼumuhonʼiwe, pʼalilandila.

Matayi 9:18 ပူးပေါင်းရင်းမြစ်များ

Matayi 14:33

Pe avhasundikwa vhe vháali mwi ivhooti, vhahamusugamilila uYeesu vhahati, “Nalyoli iwe we Mwana wa Mulungu!”

Matayi 15:25

Umwantanda uyo ahinza, ahamusugamilila uYeesu, ahamulaavha ahati, “We Mwene, ntuula!”

Matayi 17:14

Lwe uYeesu na vhasundikwa vhatatu vhaala vhinza kwe ivhungaana ilya vhantu lyámile, umuntu wumo ahinza ku kwakwe, ahamusugamilila.

Matayi 20:20

Ahavhaliilizyo iho unyina uwa vhaana vha Zebedaayi ahasogola na vhavuli vhaakwe kwa Yeesu, ahasugamila nu kumulaavha kuuti amwavwe shimo.

Matayi 28:17

Lwe vhamulola, vhahamusugamilila, ileelo vhamo vhahavha na maganigani kuuti pamo te wuuyo.

Matayi 8:2

Pe umuntu wumo uwa mambombo ahinza nu kusugamila pilongolela ilya Yeesu, ahamuvhuuzya ahati, “We Mwene, imanyile kuuti uli na maha aga kunzelufwa. Inga ukwanza, nkulaavha unzelufwe.”

Matayi 8:25

Pe avhasundikwa vhaakwe vhahasogola kumudaamusya, vhahati, “We Mwene! Tuposhe! Tukufwa!”

Matayi 9:17

Havhili, ataliipo umuntu we akuvhiiha idivaayi impwa mu mafuuku amakaali aga makwembe. Inga avhomba vhwevhulo, idivaayi iyo yikupunsya amafuuku nu kwitiha, goope amafuuku gakunanjiha. Idivaayi impwa yikwanzilwa kuyivhiiha mu mafuuku amapwa. Pe vwonti vivhili, amafuuku amapwa ni divaayi impwa, vikusyala ahinza ishisita kunanjiha!”

Matayi 9:19

Pe uYeesu ahavhuuha pooka na vhasundikwa vhaakwe, vhahamulandata umupiti uyo.

Matayi 9:24

UYeesu ahavhavhuuzya ahati, “Mwepe ipa! Umulindu uno atafuuye, akaasite tulo!” Avheene vhahanda kumuseha.

uLuuka 13:14

Umupiti uwa isinagoogi ahaviitwa, mwe pe uYeesu ámuponiizye umwantanda uyo isiku ilya Sabaato. Pe ahayanga ni ivhungaana ilya vhantu ahati, “Kuli insiku 6 zye indajizyo zikwitishila kuvhomba imbombo ku mulungu wooka. Mukwanzilwa kwinza mu nsiku izyo kuuti vhavhaponie impungo zyinyu, ileelo pi isiku ilya Sabaato ndaali!”

uLuuka 18:18

Umupiti wumo ahamuvhuziilizya uYeesu, ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

uLuuka 7:2

Mu nkaaya iyo, mwámile umupiti uwa mpuga iya vhasikaali 100 avha Shiluumi. Umupiti uyo áamile nu muvhomvi we ámukunzite nkaani. Umuvhomvi uyo áali muvhinu, ápalamiiye kufwa.

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 11:32

Lwe uMaliiya aafiha pe uYeesu áamile, ahamulola, ahasugamila pa vinama vwakwe uku akukuuta, ahamuvhuuzya ahati, “We Mwene, inga uvhanje ipa, umunine waane, nkandi atafuuye.”

iMbombo izya Vhatumwa 13:15

Lwe vhatendama, umuntu wumo ahavhaazya mwi ikalaata ilya ndajizyo izya Moose, na mu mazwi aga vhakuvhwi. Pe avhapiti avha isinagoogi vhahasonteelezya umuntu kwa Paavhuli nu Balinaaba, avhavhuuzye ati, “Vhamwitu, inga muli ni izwi ilya kuvhavhuuzya avhantu kuvhagomwa amooyo, muyanje.”

iMbombo izya Vhatumwa 28:8

Ahavhaliilizyo iho, utaata uwa Pabuliyo ákaasite pa shilili, mwe pe ávhinile inzegema nu kuhaalisya amavhanda. UPaavhuli ahinjila muhati mwe umuvhinu áamile. Ahamulaavhila kwa Mulungu, ahamuvhiishila inyoovhe pamwanya pa kwakwe, ahamuponia.