Matayi 9:13 - ULufingwi uLupwa

¹³ Ishi sogooli musambiilile amazwi ge gakuti, ‘Nkwanza uvhwila kuluusya kufumwa impuutile.’ Nkuvhavhuuzya vhwevhulo, mwe pe ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

Tesitamenti Umupwa 1965

¹³ Muhavale muhamanye lye likuti: Lwe lupepelezyo lwe nkwanzʼine, ntakwanzʼimputile. She ntinzilʼukuvitʼavagolosʼine, ninzilʼukuvita ve vatalamalandu.

Matayi 9:13 ပူးပေါင်းရင်းမြစ်များ

Matayi 12:3

UYeesu ahavhaamula ahati, “Mutahavhaazya mu Vhusimbe uVhufinjile vwe uDaavhudi ávhomvile lwe inzala yamuluma pooka na vhamwavho?

Matayi 12:5

Vhuli, mutahavhaazya mu ndajizyo izya Moose kuuti avhapuuti vhakuvhomba imbombo mu Nyumba iMfinjile pi isiku ilya Sabaato, ileelo uMulungu atakuvhavhaazya kuuti vhakuvhomba havhiivhi?

Matayi 12:7

Inga mwaavhumanyile uVhusimbe uVhufinjile vhwe vhukuti, ‘Nkwanza uvhwila kuluusya kufumwa impuutile,’ nkandi mutakuvhalonga avhantu vhe vhatananzile naashimo.

Matayi 19:4

Uweene ahavhaamula ahati, “Vhuli, imwe mutavhaziizye uVhusimbe uVhufinjile vhwe vhukuti kufuma ku vhwandilo uvhwa vhupezi, ‘UMulungu ámupezile umwanaavuli nu mwantanda’?

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 3:8

Ishi muvhombaje zye zikulolesya kuuti mupindusile.

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Maliko 12:26

Ileelo inongwa izya kuzyuha avhafwe, mutahavhaazya mwi ikalaata ilya Moose pe likuyanga izya mwoto we wuhaahaga pa shipindi? UMulungu ámuvhuziizye uMoose átili, ‘Ine ne Mulungu uwa Aabulahamu nu Yisaaka nu Yaakobu.’

Maliko 12:33

Havhili kumukunda ku mwoyo wonti na ku njeele zyonti na ku maha gonti, nu kumukunda umupalamani waaho inza vwe ukuyikunda weneewe, hinza kuvhomba zyonti izyo, kuluusya kufumwa impuutile izya kulungulizya ni zinji zyonti.”

Maliko 2:17

Lwe uYeesu ayiivwa amazwi igo, ahavhaamula ahati, “Avhapuuma vhatakumwanza umuganga, nkandi vhe vhavhinile vhe vhakumwanza. Ine ntinzile kuvhiita avhagolosu, nkandi kuvhiita avhatalamalandu, inga vhapindushe.”

uLuuka 10:26

UYeesu ahamwamula ahati, “Indajizyo izya Moose zikuti vhuli? Vhuli, umanyile zye zikuyangwa muumwo?”

uLuuka 19:10

Mukumbushe kuuti, ne Mwana wa Aadamu ninzile kulondola nu kuvhapoha avhantu vhe vhateezile.”

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

uLuuka 5:31

UYeesu ahavhaamula ahati, “Avhapuuma vhatakumwanza umuganga, nkandi vhe vhavhinile vhe vhakumwanza.

uLuuka 5:32

Ine ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

Yohani 10:34

UYeesu ahavhaamula ahati, “Vhuli, yitasimviilwe mu makalaata giinyu aga ndajizyo kuuti uMulungu átili, ‘Imwe mwe vhalungu’?

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.