Matayi 8:8 - ULufingwi uLupwa

⁸ Ileelo umupiti uyo ahamuvhuuzya ahati, “Ndaali we Mwene! Ine ntahondeeye kuuti iwe uyinjile mu nyumba yaane. Yanga lye lizwi vhweleele, umuvhomvi waane kwe apone.

Tesitamenti Umupwa 1965

⁸ Uwenʼumupiti wa vasikali ahamula ahati: Mwene, ntahondeyʼine ukutʼiwe uyinjilaje munyumba yane. Yangagʼizwi lyoka vwelele, pʼakuzuzuvuhʼumuntu wane.

Matayi 8:8 ပူးပေါင်းရင်းမြစ်များ

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Matayi 3:14

Ileelo uYoohani ahalinga kuhaana, ahamuvhuuzya uYeesu ahati, “Shooni she ukwinza kuli ine kuuti nkwozye? Iwe we ukwanzilwa kuuti unoozye.”

Matayi 8:3

UYeesu ahagolosya inyoovhe yaakwe nu kumupalamansya, ahati, “Nkwanza, uzelupe!” Ahavhaliilizyo hanaaho ahazelupa uvhuvhinu uvhwa mambombo.

Matayi 8:7

UYeesu ahamwamula ahati, “Nkwinza kumuponia.”

Matayi 8:9

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga!’ Naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane inga namuvhuuzya nati, ‘Vhomba uti,’ akuvhomba vhwevhulo.”

uLuuka 15:19

Ishi ntahondeeye kuvha ne mwana waaho havhili, nkulaavha umbiishe imbe ne wooka mu vhavhomvi vhaaho.”’

uLuuka 15:21

Pe umwana ula, ahamuvhuuzya utaata waakwe ahati, ‘We taata, mbomvile uvhutalamalandu kwa Mulungu na kuli iwe. Ntahondeeye kuvha ne mwana waaho havhili.’

uLuuka 5:8

USiimoni we izina ilyamwavho vhahatinji uPeeteli, lwe aalola izyo, ahamusugamilila uYeesu ahati, “We Mwene, nkulaavha uyeepe pa kwane, mwe pe ine ne mutalamalandu.”

Yohani 1:27

Uyo we akwinza mwisinda lyane, havhili ine ntahondeeye poosye kuvha ne muvhomvi waakwe uwa kuzevwa nu kusatula inkusa izya vilyatu vwakwe.”